banner 728x90

Esforsu membru WTO prioridade ba TL

banner 120x600

G-NEWS (JENEBRA) – Prezidente Repúblika José Ramos-Horta, hala’o sorumutu ho Diretór-Jerál Organizasaun Mundiál Komérsiu (WTO-sigla iha Inglês), Ngozi Okonjo-Iweala, iha Jenebra, iha loron 2 fulan outubru foin lalais ne’e.

Enkontru ne’e foka ba esforsu Timor-Leste nian atu tama WTO no ASEAN, ne’ebé Prezidente Ramos-Horta deskreve hanesan “prioridade nasionál absoluta” no asuntu “konsensu nasional”.

banner 325x300

Prezidente Ramos-Horta espresa nia gratidaun ba Diretór-Jerál no nia ekipa, ba sira-nia apoiu la para no pasiénsia hodi tratata kompleksidade adezaun Timor-Leste nian iha organizasaun ida ne’e.

Nia rekoñese, instituisaun hanesan WTO presiza “ema espesiál tebes” no agradese Okonjo-Iweala ba nia amizade.

Diretór-Jerál Okonjo-Iweala elojia Timor-Leste nia maneira lida ho prosesu adezaun, no rekonhese desafiu sira iha implementasaun ba reforma sira ne’ebé presiza no aprovasaun lejislatifa. Nia elojia governu antes no atuál, tanba sira halo “ho lalais no efisiente tebes” iha preparasaun ba adezaun ASEAN.

Okonjo-Iweala mós agradese ba nia ekipa ba sira-nia servisu ho Governu Timor-Leste. Nia nota katak sei iha dalan balun atu tama, inklui aprovasaun lejislativa.

Maske nune’e, nia espresa konfiansa ba kapasidade Prezidente Ramos-Horta atu aselera prosesu sira ne’e.

Diretór-Jerál hakotu ho espresa nia esperansa ba selebrasaun iha Abu Dhabi no hein atu halo servisu hafoin adezaun.

Jornalista     : Mídia PR

Editór Testu  : Amito Qonusere Araújo

relavante