banner 728x90

Estudante EBC Ducurai-Ermera trauma iha prosesu aprendijagem bainhira anin no udan

banner 120x600
18 Views

G-NEWS (LETEFOHO)- Eskola Ensinu Básico Central Ducurai Postu Administrativu Letefoho Munisípiu Ermera kondisaun grave tanba kauza husi mundansa klimátika iha tinan 2014.

Representante Estudante EBC Ducurai Horacio Magno Sente trauma bainhira tuir prosesu pprendisagem tanba kondisaun eskola at. Kuandu udan no anin sempre nakdoko no taruto.

banner 325x300

“Ami sente trauma bainhira iha aprendisagem nian laran tanba bainhira udan ka anin oituan entaun eskola sempre nakdoko no tarutu hela deit”, Informa Horacio Magno ba Jornalista sira iha EBC Ducurai tersa-feira ne’e (21-02-2023)

Iha tempu hanesan Professora Emilia De Deus mos haktuir, bainhira sira hanorin estudantes mak udan ka anin obrigatoriamente tenke para prosesu aprendisagem tanba eskola nakdoko no taruto.

” Ami eskola kondisaun grave hanesan ne’e ami senti aprendisagem ladun diak, bainhira anin ka udan ami foti desizaun paradu, tamba ne’e ami husu ba parte kompotente atu hadia eskola ne’e ho lalais atu lori ba futuru ne’ebé diak” Emilia Haktuir

Diretolór Eskola ensinu básico central Ducurai António Soares hateten, profesores sira laiha atensaun hanorin estudantes sira tamba hare ba kondisaun eskola ne’e.

Eskola ne’e hari’i iha tinan 2010. Kondisaun eskola ne’e grave desde tinan 2014, tanba rai halai husi okos hosi loron ba loron to’o agora.

Situasaun ne’e prezudika prosesu aprendijagem, iha ne’ebé estudante sira trauma bainhira hahú hala’o prosesu aprendijagem.

Jerente eskoka ne’e haktuir, ho kondisaun Eskola Rlrefere , sira hato’o ona ba parte kompetente, maibé seidauk iha respostas, maske Diresaun Edukasaun Munisípiu Ermera hala’o ona observasaun.

Eskola ne’e akumula estudante sira hamutuk 583, no professores hamutuk 20.

Jornalista      : Asensiu

Editór Textu   : Amito Qonusere Araújo

relavante