banner 728x90

EUA Kontinua Apoiu Timor Leste Ba Ezersísiu Militar.

banner 120x600
18 Views

G-RTV News (10/04/2021) : Embaixadór foun Amérika mai Timor Leste Kevin Blackstone hasoru malu ba dala-uluk ho Ministru Defeza Filomenu Paixão hodi koalia konabá Ezersísiu Militár ne’ebé sei hala’o  hamutuk entre Forsa Amérika no F-FDTL iha Tinan Ida ne’e.

‘’Ohin ami halo diskusaun ba relasaun Militár Timor Leste ho Amérika ne’ebé buras ba bebeik, liu-liu iha área militár konabá ezersísiu militar ne’ebé sei akontese tinan ne’e hamutuk ho parseiru bilaterál sira’’, haktuir Embaixadór Kevin hafoin hasoru malu ho Ministru Defeza iha Kuartel Jerál F-FDTL, Fatuhada, Dili (09/04).

banner 325x300

Ministru Defeza Timor Leste Filomeno Paixão afirma katak, hasoru malu ida ne’e atu haforsa liu tan servisu hamutuk liu-liu ba F-FDTL.

‘’Hasoru malu ida ne’e atu haforsa liután kooperasaun ne’ebé hahú kedas tinan hirak ba kotuk, atu apoiu nafatin Timor Leste jeralmente ba dezenvolvimentu liu-liu iha area militár nian’’ haktuir Ministru Defeza.

Guvernante ne’e esklarese liu tan katak :

‘’Ezersísiu Militar 4 ne’ebé hala’o iha tinan-tinan, EUA prontu nafatin atu hala’o, sira mós apoiu osan ba estudu militár sira iha rai-liur’’. Esklarese Nia.

Ezersísiu 4 ne’ebé mensiona, fontes ne’e klarifika katak, ezersísiu Militar entre rai rua ne’e iha, sei hala’o ba komponente Aero, Navál, Terretre, no apoiu ba hadia eskola ne’ebé hahu tinan kotuk ba eskola kuaze atus ida iha territóriu nasionál, ikus liu apoiu mós iha formasaun rekursu umanu.

Jornalista : Julio Paixão.

Editór : Arménio.

 

‘’Família Bo’ot Kompanhia GARDAMOR hato’o solidariedade ba Família afetadu Inundasaun iha Territóriu Nasionál , liu-liu iha Kapitál Dili, ne’ebé akontese iha loron 04/04/2021, Forsa nafatin ho korázem tomak, atu ita hotu bele ultrapassa situasaun difísil ida ne’e’’.

 

 

relavante