banner 728x90

F-FDTL hahú loke konkursu rejime espesial ba ofisiais sira

banner 120x600

G-NEWS (DILI) – Instituisaun Falintil-FDTL nu’udar instituisaun Estadu no nasaun ne’ebé responsável ba defeza militár RDTL, no nia organizasaun nu’udar ida mesak ba territóriu nasionál tomak hodi garante independênsia nasionál, integridade territória, Liberdade populasaun nia seguransa hasoru agresaun ruma ka ameasa externa ho respeitu ba ordem konstitusional.

Fontes konstituisaun da Repúblika artigu 146 Liberdade no Independênsia ne’ebé ita hotu goza ohin loron, tanba éroi sira As’wain Falintil ne’ebé dedika sira nia vida tomak hodi liberta rai-doben Timor Leste ida ne’e.

banner 325x300

Ho nune’e, iha kinta-feira (05102023) semana ne’e, Ministériu Defeza liuhosi Komandu-Jenerál Forsa Armada loke ona rekrutamentu rejime espesiál ba ofisiais sira.

Konkursu ne’e, iha kualifikasaun akadémika ba Mestradu ka lisensiatura iha área espesialidade ba Finansas no Kontabilidade hanesan akuntabilidade, Rekursu úmanu ba jestaun rekursu umanus, relasaun internasionál, Komunikasaun sosial ba área protokolu no media ho área audio visual no dezeñu gráfiku, Justisa no Disiplinar ba Direitu Administrativu, Direitu Marítima no Advogadu.

Alende ne’e mós kona-ba Arkitektura, Eng. Sivil ka Konstrusaun ba arkitetura, Eng. Sivil no Eng. Naval, Medisina ka Saúde iha área Dentista, ophthimologists, Nutrisionista, Medisina-Jerál no Enfermajen, enkuantu Teknolójia Informátika iha área Siensia Komputador, siensia informatika, Eng. Elektrónika, Meteorolojia, Hidrografia, Aircraft Maintanance, aeronautical Engineering no Lingua Portugesa.

Aplikante sira ne’ebé konkore ba konkursu rejime espesial ne’e liuhosi aplikasaun dokumentu sira, sei tuir teste ka ezame hanesan teste saúde ka médiku, teste fíziku hanesan push-ups, Sit ups, pull ups ka tara an no cooper ka halai, no ikus-liu ba entrevista no Phycho teste.

Entertantu, aplikante sira ne’ebé liu teste ka ezaminasaun hirak ne’ebé komisaun rekrutamentu fó sai mak sei inkorpora iha instituisaun Falintil-FDTL tuir data ne’ebé sei públika.

Komisaun rekrutamentu sei hahú rejistu online hahú iha loron 5 to’o loron 20 fulan Outubru tinan 2023.

Jornalista       : Ekipa G-News

Editór Testu : Amito Qonusere Araújo

relavante