banner 728x90

Falla jere EDTL. EP, lakon konfiansa ba plataforma governu

banner 120x600

G-NEWS (DILI) – Relasiona ho sistema sosa pulsa EDTL sai problema, halo komunidade sira sente triste no preokupa ho sistema ne’ebé sempre falla.

Sidadaun ida, Armando Gomes, ne’ebé G-News hasoru iha EDTL Caicoli, Segunda-Feira (01052023) informa, sente triste ho sistema sosa pulsa ehi ne’ebé sempre falla, no mais pior liu atendimentu tarde, halo sidadaun hein hosi oras ba oras.

banner 325x300

“Ita triste tebes. Kuandun akhir bulan ne’e, ita mai mak forma naruk, sosa pulsa. Pois ita ba fatin seluk, dehan sistema error, haloita konfuzaun loos ho sistema EDTL ne’e”, Armando lamenta.

Kliente ida iha Rotunda Delta, Arcanjo Xavier, lamenta ho sistema EDTL ne’ebé sempre mosu falla.
“Ita mak nune’e nafatin. Ami kuandu mai sosa pulsa ahi, atu hetan netik bonus, ne’e ita tenke mai antrian, forma naruk, pois iha fatin balun ne’e sistema error. Ita la komprende, boot sira iha Governu, liu-liu EDTL ne’e halo saida”, nia lamenta.

Nia dehan tán, ho sistema falla ne’ebé sempre akontese iha EDTL, sei implika konfiansa votus iha eleisaun parlamentár.

” Ita nia Governu ne’e ukun hela, maibéba kampamha nunka ko’alia kona-ba prolema ne’ebé povu enfrebta loron-loron, hanesan bee moos, eletrisidade, estrada no seluk tán. Ba kampanha, konta fali buat seluk, halo ita atu fó vota ba governu ninia partidu agora mós laran todan oituan”, Arcanjo haktuir.

Alende ne’e, Aleixo, juventude rezistésia ne’ebé forma sosa pulsa EDTL, husu ba Governu atu ezonera ona Prezidente EDTL. EP tanba durante nia mandatu, sempre hamosu preokupasaun. Tuir sira katak, banhira Governu kontinua mantein ho fallansu sira, sei implika ba votus konfiansa ba partidu sira ne’ebé forma Governu hamutuk.

“Jujur deit, mais nia atitude polítika ne’e, halo ita lakon konfiansa, kuandu Jenerál Taur Matan Ruak la ezonera. Ida ne’e sei fó impaktu makaas tebes ba povu sira atu fó konfiansa ba partidu sira ne’e iha eleisaun parlamentár”,

Tuir observasaun G-News, komunidade barak forma ho linha naruk, no dudu malu kuandu ba sosa pulsa EDTL iha sentru EDTL Caicoli, Deltano fatin balun tán.

Jornalista     : Ekipa G-News
Editór Testu  : Amito Qonusere Araújo

banner 325x300

relavante