banner 728x90

Falta atensaun; PR Horta inagura edifísiu “Procuradoria da República de Laútem”

Imajen: Prezidente Repúblika José Ramos Horta asina plaka edifísiu Procuradória da Repúblika de Primeira Instância de Laútem, ne'ebé akompaña hosi Procurador Jerál da República Alfonso Lopez, iha kinta-feira (28122023) iha munisípiu Laútem. Foto: Mīdia Palásiu Prezidente Repúblika
banner 120x600
17 Views

G-NEWS (DILI) – Naran ne’ebé hakerek sala iha edifisiu Ministériu Públiku iha munisípiu Laútem ho naran Prokuradória da Repúblika de Laútem, ne’ebé sai lamentasaun públiku hanesan erru boot ida.

Eis Adjuntu Komisáriu Komisaun Anti Korupsaun (CAC_sigla Portugés) ba assuntu Prevensaun no Sensibilizasaun Luis de Oliveira Sampaio, ba G-News, kinta-feira (04012024) esplika kona-ba ne’e.

banner 325x300

“Sim hau fiar iha tanba ne’e mak sira estabelese reprezentasaun ka delegasaun iha munisípiu sira ne’e. Ya, se kualia jujur ne’e erru boot duni, tanba antes ba halo lansamentu superior altu sira tenke memastikan katak buat hotu loos ona ka dezeñu ba naran ne’e hotu-hotu loos ona ka lae”, Luis de Oliveira Sampaio haktuir

Nia konsidera ne’e hanesan la iha atensaun hosi autoridade relevante sira.

“Ita bele dehan falta de atensaun, falta de kuidadu ect”, Luis esplika.

“Normalmente ema téknika, ekipa teknika halo servisu bazeia ba orientasaun instituisaun ka responsável másimu instituisaun ou sira ne’ebé simu delegasaun kompeténsia atu kontrola ka fiskaliza servisu téknika hirak ne’e”, Eis adjuntu komisáriu CAC ne’e esplika.

Antes ne’e, Administrador munisípiu Laútem Domingos Savio hateten ekipa tékniku sira hosi Indonézia mak hakerek naran sala, nune’e Luis de Oliveira Sampaio esplika, ne’e kulpa hosi autoridade Timor nian.

“Tanba ne’e embora ema téknika hosi indonesia ka husi ne’ebé de’it sira halo servisu ho ordem ka instrusaun ka diresaun hosi superior sira – se ne’e kulpa hosi ema téknika nian ne’e ladun justu ba sira”, nia esplika.

Luis husu ba Prokurador Jerál da Republika atu halo klarifikasaun ba públiku kona-ba erru ne’e.

“Tanba ita hare reazem publiku liuhosi mídia sosiál makaas loos – hanesan jestu protestu nomos lamenta – ha’u hanoin di’ak liu mak Prokurador Jerál da Repúblika bele ko’alia ba mídia atu klarifika erru ne’e no orienta tékniku sira atu hadia fali naran ne’e loloos tuir nia nivel estrutura instituisaun nian”, hateten Luis Oliveira Sampaio.

Xefe Estadu mós apresia ba obra konstrusaun ho kualidade ne’ebé mai husi kompañia lokál ho nia orsamentu $ 715.376, 94 Mill, hari’i iha rai hektar 4900 m2 ho uma unidade 4 inklui uma ba rezidénsia prokuradór 2 ne’ebé konstrui durante tinan-tolu ho balun.

Prezidente Repúblika Ramos-Horta ne’ebé inagura edifísiu ne’e, dezde iha primeiru governu konstitusionál defende setór justisa liu-liu estatutu Prokuradór ba nível Membru Governu tanbá buat hirak ne’e hola parte iha konstrusaun Estadu hodi dignifika instituisaun ne’ebé importante ba Estadu.

Partisipa iha inagurasaun ne’e autoridade judisiál nasionál, autoridade munisipál, Jenerál Reformadu Lere Anan Timur, veteranu no konvidadu sira seluk.

Jornalista            : Ekipa G-News

Editór Testu         : Amito Qonusere Araújo

relavante