banner 728x250

Feto ida ho laen 3 tenke hetan kastigu kadeia

banner 120x600

G-NEWS (INTERNASIONÁL) – Nellie, feto Afrikana ida ne’ebé sai tiha víral tanba iha laen tolu no hotu-hotu hela iha uma ida deit, iha ne’ebé hamosu kontroversial. Nia identífikadu nu’udar sidadaun Tanzania. Nia fahe nia moris ba mídia sira, hodi rekonhese kaben ho mane na’in tolu, na’in ida nu’udar nia katuas ida nia alin rasik.

Nicodemus Agweyo, advogadu ida Tanzania, hateten poligamia simu hosi justisa legál. Enkuantu Poliandri ka feto ne’ebé iha laen ka mane barak hanesan violasaun ne’ebé tenke aplika legál hosi lei inan Estadu nian.

banner 325x300

“Karik feto ida mak iha laen liu ona, nia hetan ameasa ho prizaun la liu tinan tolu”, hateten ba Ayo TV, ne’ebé públika hikas hosi Tuko, segunda-feira (27/3/2023).

Advogadu ne’e aumenta tán katak, klausula refere ho karakter direta, no la iha negosiasaun ba punisaun alternativa hanesan multa. Tuir Agweyo, mane ne’ebé hola fali feto ne’ebé iha ona laen, maske ninia kultura ka relijiaun autoriza, sei nafatin sala no konsidera krime, no hetan ameasas kadeia to’o tinan tolu. Nellie kaben tán ho mane na’in tolu tanba nia laen primeiru mate hafoin hetan asidente kareta.

Nellie fiar an katak la iha laen ida entre na’in tolu ne’ebé halo kazu ida (berselinkuh) iha kotuk, tanba nia atende sira na’in tolu nia nesesidade iha finanseiru no relasaun biolójiku, nune’e la iha razaun ba sira atu buka fali feto seluk iha liur. Nellie lakon laen primeiru tanba hetan asidende kareta ne’ebé moris hamutuk tinan 8, ho oan na’in rua.

Nellie, dealer kareta ne’ebé importa kareta hosi Dubai, hateten ba Afrimax TV katak, nia hanesan feto primeiru ne’ebé iha laen barak iha nia sosiedade. Nia hateten tán, nia domin mosu ba alin hosi nia laen primeiru, Hassan ne’ebé kaben ho nia.

Hafoin ida ne’e, niamós hili tán mane na’in rua seluk; Jimmy no Danny, no kaben ho sira iha tenpu diferente. Nellie aumenta tán katak, sira hotu moris ho dame no armónia, no nia laen sira nunka hirus malu.

Nellie afirta liután katak, nia mak hala’o servisu hodi atende nesesidade moris loron-loron liuhosi atividade negósiu durante nia tenpu tomak.

“Ha’u nia naran Nellie, no rekordista ida iha suku ida ne’e iha laen tolu. Ha’u moris ona ho mane na’in tolu nu’udar Ha’u nia laen durante tinan tolu ona. Ha’u mós iha laen ne’ebé hela ho ami durante tinan walu ne’ebé mate tanba asidente kareta”, nia dehan.

“Hafoin nja mate, Ha’u hela hamutuk ho nia alin, Hassan, no ami kontinua hela hamutuk iha uma ida deit hanesan matebian nu’udar Ha’u nia laen mate. Nia hatudu nia domin ba Ha’u, no ikus mai, Ha’u mós laran monu ba Nia”, Nia salienta.

Nellie aumenta tán, ” Moris ho mane na’in tolu halo Ha’u sente haksolok tebes, no Ha’u mós konsiente katak mane na’in tolu mós kontente tanba hakonu hela sira nia nesesidade, noHa’u fiar katak sira na’in tolu sei la bosok Ha’u tanba Ha’u fiar katak Ha’u atende sira nia hakarak”, nia hakotu.

Fontes/Jornalusta  : Sindo News/Ekipa G-News
Tradutór/Editór        : Amito Qonusere Araújo

banner 325x300

relavante