banner 728x90

FKML Hala’o Asaun Kariedade, Benefisiáriu: ‘’Ekipa Ne’e Mai Hakma’an Netik Ami Nia Susar Balun’’.

Komunidade Ne'ebe afeta ba Inundasaun iha Kapital Dili iha Loron 04/04/2021 // Foto: Dores.
banner 120x600
23 Views

G-RTV News (26/04/2021): Forum Komunikasaun Munisípiu Lautém (FKML) Dominggo foin lalais ne’e (25/04) remata atividade asaun kariedade ba vítima dezastre naturais ne’ebé akontese iha Semana Balun liu bá.

Asaun kariedade ne’ebé FKML hala’o mai husi inisiativa Estrutura no membru tomak ho objetivu atu hakma’an susar balun ne’ebé vítima sira hasoru relasiona ho dezastre naturais.

banner 325x300

Prezidente FKML, Norman Marquês Haktuir katak bainhira dezastre naturais mosu liu-liu inundasaun iha kapitál Dili, FKML liu husi nia membru sira hala’o kedas enkontru hodi harii posko ida atu tau forsa hamutuk tuir kbi’it ne’ebé iha hodi ajuda família afetadu sira.

‘’Bainhira dezastre naturais liu-liu inundasaun iha kapitál Dili akontese iha Dia 04 liu bá, loron tuir mai, ami konvoka kedas enkontru ida entre membru no inisiadór FKML atu harii posko solidariedade atu tulun maluk afetadu sira’’. Haktuir Prezidente Iha Posko FKML, Hudi-laran, Dili (26/04).

Konabá sasan báziku ne’ebé oferese ba vítima sira, Norman klarifika katak hafoin posko refere harii, membru sira hamutuk ho inisiadór no parseiru balun hahu kontribui hanesan nessesidade ba ai-han no materiál seluk hanesan biti, bikan no kanuru.

‘’kontribuisaun ne’ebé inisiadór, membru no parseiru balun fó,mak hanesan fós, supremi, mina, no bikan, sana, kanuru no seluk tan,’’. Klarifikasaun husi lisensiádu konstrusaun sivíl ne’e.

Mane husi munisípiu Lautém ne’e, fortifika mós, antes nessesidade báziku ne’e distribui, ekipa FKML hala’o uluk verifikasaun no difini ba ida ne’ebé presija duni.

‘’FKML iha nia mekanizmu mak, antes hala’o distribuisaun, ekipa tun uluk ba terrenu kolabora ho autoriedade lokál hodi halo verifikasaun no husi inísiu to’o remata konsege distribui ba fatin 12 iha kapitál Dili inklui estudante ne’ebé hela iha uma-aluga (Kos)’’.espressa fontes husi rai ho nia diáletu makasa’e, makalero, sa’ani no fataluku ne’e.

Nune’e mós, reprezentante benefisiáriu ba asaun kariedade ida ne’e, sente agredesidu tebes ho prezensa husi FKML tamba bele hakma’an netik sira nia susar durante dezastre naturais ne’e mosu.

‘’Ami sente agradesidu tebes, tamba ekipa ne’e nia prezensa bele hakma’an netik ami nia susar balun ne’ebé ami hasoru iha dezastre bo’ot ida ne’e, tamba foin ba dala uluk, FKML bele ajuda ami desde akontesimentu dezastre naturais’’. Informa Celestina Moniz hanesan benefisiáriu ida husi Suku Bairro-Pite, Aldeia Moris ba Dame.

Entertantu, FKML harii husi Ema Munisípiu Lautém-oan sira liu husi assembleia jerál ne’ebé hakfahe ba parte rua, ida iha loron 14/02/2019 no tuir mai loron 29 Fulan no tinan ne’ebé hanesan hodi transforma ho naran inísiu Forum Komunikasaun Ponta Leste ba iha Forum Komunikasaun Munisípiu Lautém.

Objetivu Husi ezisténsia FKML atu halibur Lautém-oan sira hodi tau hamutuk ideia konstrutivu sira ba iha dezenvolvimentu Munisípiu Lautém ho kolaborasaun hamutuk Autoriedade Munisipál to’o Aldeia.

Jornalista : Rosa Carvalho.

Editór : Arménio.

 

 

relavante