banner 728x90

Forma Pakote Kompete Lidera FRETILIN, LAT Temi Jerasaun Foun Na’in Tolu

Lere Anan Timur // Foto : Ekipa G-RTV.com
banner 120x600

Jornalísta : Arménio //

G-RTV.com ( Dili ) : Tenente Jenerál Reformadu, Lere Anan Timur (LAT) fila-Hikas mai Timor Leste hafoin hala’o tratamentu saúde durante fulan ida iha Malázia.

banner 325x300

To’o iha Aeroportu Internasionál Nicolau (ANL) Lobato, Dili, LAT deklara sei sai Pakote ida hodi kompete lidera FRETILIN iha kogressu nasionál tinan ne’e no temi jerasaun foun nain tolu.

“Ha’u seidauk deside, aban ka bairua ami sei enkontru hodi deside atu forma pakote ka lae?, ha’u sei esforsu atu reforsa partidu, la iha dúvida nu’udár ha’u nia responsabilidade, ha’u sei hakat ho jerasaun foun ida, entre Rui Maria Araujo, José Lobato, no José Manuel Nakfilak, atu nune’e iha renovasaun lideransa hodi prepara futuru”, Tenik Jenerál (Ref.) LAT iha ANL, ohin, Sexta-Feira, 08/07/2022.

Lere reforsa tan “Ha’u FRETILIN desde hau sei vida Militar (F-FDTL) maske Lei Bandu, hau sei reforsa liu tan  Partidu hamutuk ho Lú Olo (Atuál Prezidente FRETILIN no Marí Alkatiri (Atuál Sekretáriu Jerál FRETILIN) hodi hadia naksalak sira no reforsa liu tan partidu hodi manan iha eleisaun parlamentár 2023, tambá FRETILIN la’ós kualkér partidu nune’e tenke iha morál polítika hodi serví rai ne’e,” Dehan Nia.

Konabá nia saúde, LAT ne’ebé akompaña husi nia espoza, esplika katak kondisaun saúde di’ák, maibé iha oituan kolestról nune’e doutór sira rekomenda ba LAT atu han hahan produtu rai-laran ka lokál

Iha Aeroportu, LAT mos kontinua preokupa Timor-oan sira ba buka moris iha rai-liur tambá konsidera Timor-oan hirak ne’e la konfia ona nia lideransa sira.

“Imi la konfia ona ami, imi nia inan-aman mate ba rai ida ne’e, maibé imi sai husi rai ne atu buka vida iha rai seluk, ne ami sei hare, líder sira sei hare ida ne’e,” Haktuir eis-Kandidatu Prezidente Repúblika ne’e.

Entretantu, Kongressu Nasionál partidu FRETILIN sei akontese iha Fulan Setembru tinan ne’e hodi eleja fali lideransa foun membru CCF nian ba períodu tinan lima tan.

(REMATA).

banner 325x300

relavante