banner 728x250

FORMASAUN LORON TOLU SEIDAUK SUFISIENTE BA MEDIADOR SIRA

banner 120x600

Dili, 28-08-2020 (G-RTV) Mediador ba protesaun Konflitus husi munisípiu Sanolu resin rua inklui Raeoa, tuir formasaun durante loron tolu iha salaun João Paulo Segundo Comoro hafoin ensera iha Sexta feira ne’e, husi Secretáriu Estadu Protesaun Sivil

Formasaun ne’e atu aumenta mediador sira nia koñesimentu atu halo negosiasaun ba konflitus ruma ne’ebé mosu iha komunidade nia leet, tuir Sekretáriu Estadu Protesaun Civil Joaquim José Gusmão Dos Reis Martins hato’o ba Journalista sira katak apresia tebes servisu mediador ba protesaun konflitu komunitáriu, maske todan maibé fiar katak iha formasaun ne’e bele hetan esperiensia foun ruma atu bele motiva sira hodi bele sai mediador ida ne’ebé di’ak 

banner 325x300

“Apresia ita bo’ot sira liu-liu servisu sai hanesan mediador ba protesaun konflitu tanba servisu ne’ebé mak todan teb-tebes, ha’u fiar katak iha formasaun loron tolu ne’e bele aumenta koñesimentu, no hanesan mata dalan ne’ebé maka fó koiñese ba ita bo’ot sira, atu  bele uja hodi  hala’o servisu mediasaun iha idak-idak nia knaar fatin, nomós update liu tan koñesementu kona-ba halo nusá mak atu bele sai mediador ida ne’ebé di’ak, ha’u fiar katak ita nia formador sira ne’e mesak iha esperensia atu bele fasilita no fó formasaun ne’ebé di’ak ba ita bo’ot sira”

Iha fatin hanesan formandus Cristalina Quintão husi Munisípiu Ermera posisaun nu’udar Mediadora hato’o nia hanoin katak treinamentu durante loron tolu ne’e bele aumenta sira nia koñesimentu maibé seidauk sufisiente ba sira atu bele komprende di’ak, hodi halo mediasaun ba konflitus ruma iha komunidade tanba tempu uitoan liu.

“ami husu katak ba oin bele aumenta tan tanba loron tolu de’it ne’e la sufisiente , ami  presiza aprende  barak  tan, hodi bele aumenta ami nia kapasidade atu bele rezolve problema ruma iha komunidade nia leet no matéria ne’ebé ami apriende  iha formasaun ne’e mak teória no iha prátíka bainhira tun iha komunidade nia leet karik rezolve problema ho oinsá? Kona-ba rai nia oinsá? Violensia doméstika nia ne’e oinsá? Ida ne’e mak ami apriende durante loron tolu ne’e” dehan nia.

Cristalina Mós hato’o nia preokupasaun kona-ba saidá mak sira hasoru durante servsiu iha kampu, tanba la iha transporte atu halo movimentu ba fatin sira ne’ebé do’ok, hanesan Sukus no Aldeia sira nomós osan ne’ebé sira simu la sufisiente (minímu) atu bele responde ba nesesidade maibé la hamate sira nia vontade no kontinua prontu atu servisu hodi servi ba komunidade no nasaun Timor-Leste.

Hatan ba kestaun ne’e Sekretáriu Estadu Protesaun Civil Joaquim José Gusmão Dos Reis Martins hateten loos duni nia sempre hetan preokupasaun ne’ebé mak hato’o, liu-liu kona ba transporte tanba konflitu ne’e la’os de’it iha sidade laran maibé iha área remotas sira ne’ebé susar atu asesu nem motor mós iha tanba oras ne’e dadauk uza deit orsamentu duadesimo  atu la bele exekuta maibé bele exekuta de’it saláriu vensimentu no bens de servisu tamba ne mak sedauk bele halo buat barak iha área transporte ida ne’e, maibe Secretáriu Estadu Protesaun Sivil, iha semana kotuk konvida ona diresaun Nasionais sira hotu, atu bele hato’o ona sira nia planu  iha 2021 atu konsidera sira nia preokupasaun ba transportes hanesan motorizadas ba mediador sira  ne’ebé mak iha munisípiu.

Journalista: Rosa Carvalho & Zinha Silva

Editor : Alves Pinto

banner 325x300

relavante