banner 728x90

FRETILIN Ilimanu hakarak CNRT ukun

banner 120x600

G-NEWS (MANATUTO) – Partidu CNRT, Domingo ne’e, kontinua hala’o konsolidasaun iha Aldeia Ilimanu, Suku Uma-Kaduak, Postu Administrativu Laclo, Munisípiu Manatutu.

Atividade konsolidasaun ho objetivu atu hametin baze hodi hasoru eleisaun parlamentár ne’ebé sei akontese iha loron 21 Maiu 2021.

banner 325x300

“Tinan ne’e liu husi partidu CNRT, ita hakarak lori maun bo’ot Xanana ba Ukun fila-fali maibé husu ba inan-aman no jóvem sira atu servisu maka’as liu tan” Tenik Vise-Prezidente IV CNRT, Tomás Cabrál ne’ebé dirije atividade konsolidasaun ne’e.

Cabral reforsa tan, CNRT sei kontinua obra sira ne’ebé halo antes iha ukun 2007-2015, liu-liu produsaun marmer iha Ilimanu no projetu ‘One Dollar Beach’.

Iha konsolidasaun ne’e, simu mos afiliasaun husi partidu FRETILIN no KHUNTO.

” Ami tinan ne’e sei fó votu ba CNRT, ami hakarak obra sira ne’ebé uluk nian, governu agora abandona, tenke kontinua. Tambá ami hakarak dezenvolvimentu tenke la’o, Maun Bo’ot Xanana tenke ba ukun”, dehan reprezentante afiliante Nunu Alves da Cunha Pereira, nu’udár koordenadór ekipa susessu FRETILIN aldeia Ilimanu.

Iha atividade ne’e, partisipa máximu inan-aman no juventude aldeia Ilimanu no tempu ne’ebé hanesan hala’o mos assaun karitativa.

” Asaun karitativa ba Inan-aman ho kondisaun moris mínimu ne’e, CNRT la’ós foin mak halo, maibé partidu liu husi Prezidente CNRT, Kay Rala Xanana Gusmão hala’o bebeik ona iha tinan balun kotuk liu ba até agora,” Koordenadór Organizasaun Partidu CNRT (OJP-CNRT), Munisípiu Manatutu, Helder Sequeira.

Ba OJP-CNRT Manatutu, garante katak Manatutu sei fó votu máximu ba CNRT iha eleisaun parlamentár 21 Maiu 2023.

Entretantu, tuir observasaun, inan-aman no juventude partisipante 50 resin , expressa sira nia apresiaun ba ekipa CNRT ne’ebé kompostu husi Komissaun Polítika Nasionál, OJP-CNRT, estrutura CNRT postu-Administrativu Laclo no emprezáriu balun ne’ebé organiza atividade konsolidasaun no asaun karitativa hodi fahe nessesidade bázika.

Jornalista       : Ekipa G-News

Editór Textu   : Amito Qonusere Araújo

banner 325x300

relavante