banner 728x90

Funsionáriu HNGV simu subornu konsidera prátika “Máfia Administrasaun”

banner 120x600
26 Views

G-NEWS (DIL) – Relasiona ho Funsionáriu hosi Hospital Nasionál Guido Valadares (HNGV) ne’ebé simu subornu, víral iha sosiá mídia, no oras ne’e prosesu investigasaun lao hela, maibé akadémiku sira konsidera ne’e aktus ba Máfia Administrasaun, no la iha étika.

“Tamba ne’e aktus ne’ebé Dra. Aplika ne e, aktus indisiplinada, deshumanu, la respeita nia bandeira RDTL no Juramentu antes sai. Bele konsidera hanesan máfia administrasaun, abuju poder, partisipasaun ekonómika. Ha’u labele julga Nia aútor tanba prosesu investigasaun mak bele hatete katak Nia autor ka lae, mesmu Ita hatene ona”, hateten Noe Bernardino Ximenes ba G-News (Sexta-Feira, 10032023).

banner 325x300

“Hahalok Ida Dra. halo ne’e krime. Krime Grave Ida ne’ebé invez nia labele halo tanba Pozisaun ne’ebé Nia asume, kuaze Saláriu ne’ebé Estadu fo ne’e, boot Liu estandarte moris ninian ne’ebé Nia atu rezolve. Ba Ha’u se investigasaun lao mak deskobre duni katak, Nia aútor prinsipal maka Nia tenke Tama prizaun, tempu ona atu ita Timoroan eduka malu ba dalan los”, Tenik Noe.

Subornu ne’e hahalok ida ne’ebé la iha moral, kompara hanesan ema ida ne’ebé nunka servisu no nunka Sente todan hosi servisu maibé Nia tur simu osan, Han Diak, hemu Diak sein razaun ruma, iha ne’ebé Nia MOS iha kondisaun Diak ne’ebé estadu asegura durante ne’e.

“Bele hatete dehan sobornu ne’e hahalok “Rombongan Makan Gratis”. Ne’ebé laos liuhosi hisik kosar ben antes han ne’e. Atu rezolve situasaun sira ne’e labele akontese Tan, primeiru sistema administrasaun ne’e tenke reforma, tanba fatin barak ne’ebé iha Broker, Sira finji forma senariu oi-oin atu explora povu no joven Sira, tenke buka tuik kaer no kondena. RDTL ne’e tenke organiza halo Didiak, labele desoganizadu.

Ho preokupasaun ne’e, Noe husu atu funsionáriu hotu hadomi servisu ne’ebé estadu oferese ona, ho sentimentu nasionalismu no patriotismu. Alende ne’e Reforma no Kria sistema trasparansia atendimentu ne’ebé Elema hotu bele kontrola ho Fasil.

Nune’e mós husu ba Ministériu Saúde atu buka hun no about hosi inisiu hahalok ne’ebé akontese no tenke rezolve, no fó solusaun ida efetivu no efisiente ba futuru.

Jornalista          : Ekipa G-News

Editór Testu      : Amito Qonusere Araújo

relavante