banner 728x90

‘’Gagal Ginjal Kronik’’ Aumenta ho Moras Covid-19, Pasiente Ho Inisiál ‘’FG’’ Hakotu Ís.

Prossesu hasai mate-isin husi Lahane ba Metinaru // Foto: Dores.
banner 120x600

G-RTV News (06/04/2021) : Relatóriu husi SIJK, ohin Timor Leste rezista kazu ba dala-uluk pasiente Covid-19 ne’ebé hakotu ís.

Tuir Família pasiente katak matebian ho insiál ‘’FG’’’ molok tama Izolamentu sofre ona moras komplikadu :

banner 325x300

‘’2017 hahú moras tensaun rezulta Struk,, hafoin di’ák fila-fali, no foin lalais hetan tan moras, ne’e mak todan liu, tamba ho rins, no doutór sira haruka fase ran, maibé la konsege, no ikus Covid-19 kona durante semana rua‘’. haktuir família matebian Roberto José Barbosa bainhira akompanha matebian nia serimónia funébre tuir protokolu Covid-19 iha Lahane, Munisípiu Dili (06/04).

Matebian nia família ne’e mós esklarese tan katak bainhira Covid-19 ne’e remata, sei ke fali matebian nia ruin hodi ba hakoi tuir lisan iha Laga.

‘’Bainhira Situasaun Covid-19 remata, ami sei foti fila-fali matebian, hodi ba hakoin iha Laga, tuir lisan nian’’.

Iha Fatin hanesan, dr. Nilton do carmo da Silva, hanesan koordenadór pilar VII ba prevensaun Covid-19, esplika kronolojia matebian katak :

‘’Ohin, iha óras 07:10 dadér ÓTL, Timor Leste rezista kazu mate ida tamba Covid-19, tuir kronolojia, matebian ho idade 44, deteta pozetivu Covid-19, iha loron 24 Fulan Marsu, antes ne’e hala’o teste SWAB iha loron 23/03, no bainhira deteta, evakua ba iha sala izolamentu Tasi-Tolu hodi halo observasaun, no iha dia 04/04 lokraik, komesa mosu sintomas hafoin halo observasaun, la iha mudansa, entaun horseik (03/04), halo transferénsia mai iha Sala izolamentu Vera-Cruz,maibé tamba inundasaun, nune’e provizoriamente ita muda mai iha Lahane, hodi kontinua halo observasaun, tamba antes ne’e nia kondisaun grave, tamba asis dosis metáboli ne’e kondisaun ida ne’ebé  mak  rezulta husi pasiente nia istória tratamentu ba iha gagal Ginjal Krónik ( Lían Indonézia)’’ .

Identidade Matebian ne’ebé G-RTV assesu, Matebian husi Munisípiu Baukau, Postu Administrasaun Laga, Suku Saelari no husik hela laen no oan mane na’in rua ne’ebé na’in ida hamutuk ho matebian nia la’en iha sala izolamentu tamba pozetivu Covid-19 no ida seluk hela ho família.

Tuir protokolu husi OMS no MS konabá serimónia fúnebre ba matebian ne’ebé mate tamba Covid-19, família sei la akompanha no sei la halo tuir lisan, iha de’it ekipa treinadu ba hakoi mate isin mak iha rate nian, ba hirak ne’ebé akompanha, sei do’ok husi fatin maktoba deskansa ikus, nune’e ohin iha fatin fúnebre ba pasiente mate refere tamba Covid-19, hala’o iha semitériu Covid-19 iha Postu Administrasaun Metinaru, iha óras 13:00 loraík ÓTL, no hetan akompanhamentu husi ekipa saúde ba funeráriu nian, média no família ne’ebé akompanha husi do’ok.

Jornalista : Julio Paixão

Editór : Arménio.

 

 

banner 325x300

relavante