banner 728x90

GAJV presiza intervensaun ba atividade Agrikultura ne’ebé paradu

banner 120x600
61 Views

G-NEWS (LOSPALOS) – Grupu Agrikultura Juventude Verde (GAJV) iha Suku Fuiloro, Postu Lospalos Munisípiu Laútem husu intervensaun imediata ba Governu, atu apoiu atividade Agrikultura nian ne’ebé paradu durante tinan tolu ho balun.

Koordenador GAJV Diamantino Bua Rui de Andrade, ba G-News, Sexta-Feira (24022023) imforma, to’o oras ne’e atividade agrikultura GAJV nian paradu, tanba la iha finansiamentu fila rai ba produsaun agrikola.

banner 325x300

Tuir Nia, atividade ne’e iha báze kompleta hanesan rai hektares hat iha area Ukuma’a Fuiloro. Antes ne’e, atividade lao tanba joven barak envolve iha grupu laran hodi hala’o atividade agrikultor nian, dezde tinan 2007.

Hafoin atividade ne’e lao, konsege produs batar, no produsaun seluk, maske envolvimentu jovem sira iha grupu laran, hala’o ho voluntáriu.

“Antes ne’e ami akompanha treinamentu no kompetisaun planu negósiu inovativu hosi IADE Munisípiu Laútem, hodi mai kompete iha nível Nasionál, maibé la konsege to’o final”, haktuir Diamantino.

Rai hektares hat resin iha área Ukuma’a Fuiloro, Lospalos, kompleta ho lutu haleu, ne’ebé hala’o ho voluntáriu.

Tanba ne’e, Nia husu ba Governu atu tau matan ba atividade ne’e, liu-liu apoiu ba fila-rai, tanba tuir Diamantino katak, maske iha rekursu sufisiente atu hala’o atividade ne’e, maibé la iha finansiamentu atu halo kontinuasaun ba atividade refere.

To’o informasaun ne’e fo sai, G-NEWS seidauk halo konfirmasaun ho Diresaun Agrikultura Munisípiu Laútem.

Jornalista         : Ekipa G-News

Editór Textu     : Amito Qonusere Araújo

relavante