banner 728x90

Gardamor Oferese Nessesidade Bázika, Xefe Aldeia Agradese Ho Matan-Wen.

Xefe Aldeia Monica ho espresaun tanis hodi agradese ba Gardamor // Foto : Ekipa G-RTV // 10.04.2021//
banner 120x600

G-RTV News (10/04/2021) : Trajédia inundasaun ne’ebé akontese iha loron hirak liubá, halo família rihun ba rihun vítima tamba tenke lakon vida, uma, sasan no obrigatóriu tenke ba refuzia iha fatin seguru.

Situasaun kalamidade ida ne’e, obriga Timor-oan sira sira iha rai-laran no rai-luir fó liman ba malu atu ajuda maluk Timor-oan sira ne’ebé hasoru situasaun difísil ida ne’e.

banner 325x300

Tamba ne’e, Gardamor hanesan Timor-oan nian, hola parte mós iha asaun sosiál sira ne’ebé atu tulun maluk vítima sira .

‘’Gardamor hanesan Timor-oan nian, ho inisiativa nu’udár umanu no sarani, iha obrigasaun morál atu tulun maluk sira ne’ebé afeta, liu-liu ba sira ne’ebé presija duni iha situasaun difísil ida ne’e. Hanesan iha fatin-fatin Gardamor sempre koalia katak ajudu umanitáriu ne’ebé Gardamor oferese, la’ós tamba iha kbi’it barak maibé obrigasaun hanesan Timor-oan mak ajuda malu tuir kbi’it ne’ebé iha’’. haktuir reprezentante kompanhia Gardamor, Maya Faria, iha Aldeia Mate-Restu, Suku Vila-Verde, Munisípiu Dili (10/04).

Iha Fatin hanesan, Xefe Aldeia Materestu, Mónica do Carmo Martins, agradese ho matan-wen ba Kompanhia Gardamor, tamba konsidera sira nia halerik no responde tuir saida mak vítima sira presija :

‘’Foin ba dala-uluk Gardamor mak ajuda ami ba uma-kain 28, tamba ha’u nia komunidade ida iha ne’e, hatutan ami nia lian ba ita bo’ot sira, to’o ohin ita bo’ot sira mai ajuda ha’u nia komunidade afetadu iha ne’e, tuir saida mak sira presija, nune’e ha’u agradese tebes ba ita bo’ot sira’’. espresa ho matan-wen husi Xefe-Aldeia.

Durante ne’e lideransa aldeia refere, rekolha dadus, hafoin akontesimentu, maibé hein parte relevante ruma la ba iha aldeia ne’e, ‘’Durante ne’e ha’u rekolha dadus, hodi hein ajudu ruma maibé la mai, no Guvernu nian tenke liu husi regra sira, maibé, kuitadu, haruka lalais ona hahan ruma mai, sira han hodi forsa atu hadia ka hamós uma-laran mak foin prossesu sira ne’e tuir’’.  fontes ne’e afirma.

Ajudu ne’ebé kompanhia Gardamor oferese mak hanesan Fós, Mina, supremi. No tuir dadus husi Xefe-Aldeia Mate-Restu rekolha katak, família ne’ebé afetadu ba inundasaun iha loron 04/04 liubá, hamutuk família uma-kain 28, uma 13  mota-tama uma, uma 15 rai monu tama uma-laran, halo be suli tuir.

Dadus ofisiál husi Guvernu katak, inundasaun ne’ebé akontese iha loron 6 liubá, tamba provoka husi Sikrone tropikál Seroja, hodi rezulta ema rihun 10 resin mak lakon uma, lakon vida hamutuk ema na’in 42, Dili nain 22, 10 husi Ainaru, 5 husi manatutu, Vikeke iha Na’in 3, na’in 3 iha Aileu.

Jornalista : Arménio.

 

 

relavante