banner 728x90

Governu solidariza povu Nova Zelandia kauza hosi pasajen Siklone Gabrielle

banner 120x600
31 Views

G-NEWS (DILI) – Governu Timor Leste solidariza Povu Nova Zelandia (NZ) ne’ebé vítima tanba kauza hosi Pasajen Siklone Gabriell.

Governu Timor Leste ninia konunikadu Imprensa ne’ebé G-News aseau katak, lori povu Timor-Leste nia naran, Governu hato’o ninia solidariedade ne’ebé kle’an ba Povu no Governu Nova Zelándia nian ne’ebé sofre, kauza husi pasajen siklone Gabrielle.

banner 325x300

Nova Zelándia iha hela estadu emerjénsia nasionál, dezde tersa-feira, loron 14 fulan-fevereiru, tanba violentu siklone ne’ebé akontese iha país ne’e, ho rajada anin no udan ne’ebé forte hodi hamosu inundasaun no rai-monu no estragus boot ba hela-fatin, estrada no infraestrutura sira seluk.

Siklone Gabrielle rezulta pelumenus ema na’in haat mate, inklui labarik ida, ema 10.500 liu tenke sai husi uma, ema 225.000 liu tenke hela iha nakukun laran, laiha eletrisidade ka telekomunikasaun no populasaun barak mak izolada.

Horikalan, akontese rai-nakdoko ho magnitude 6,0 iha Illa Norte parte kosta nian, besik kapitál Wellington no halo país tomak sente rai-nakdoko ne’e, no to’o ohin loron seidauk iha relatóriu kona-ba estragus ka vítima sira husi rai-nakdoko ne’e.

Primeiru-Ministru, Taur Matan Ruak, hato’o ninia “solidariedade ho povu no Governu Nova Zelándia, ne’ebé enfrenta hela dezastres naturais tanba udan boot ne’ebé forte iha semana ida-ne’e, ne’ebé provoka husi siklone Gabrielle no halo estragus boot”.

Portavós Governu Konstitusionál VIII nian, Ministru Fidélis Manuel Leite Magalhães, afirma katak “ami-nia sentimentu ba família hirak ne’ebé lakon sira-nia ema ne’ebé sira hadomi no ami hakru’uk ba sira ne’ebé nafatin determinadu hodi buka vítima sira ne’ebé sei moris no hodi apoia populasaun sira ne’ebé afeta hosi katástrofe ida-ne’e”.

Editór Textu: Amito Qonusere Araújo

relavante