banner 728x90

Governu suspende atividade AM tanba impaktu hosi alunu no mestre 

banner 120x600
67 Views

G-NEWS (DILI) – Primeiru-Ministru Kay Rala Xanana Gusmão, hateten, Governu kontinua suspente tán atividade Arte Marsiais ba fulan neen, tanba estudante balun uza arte marsiais, hodi baku malu, no mestre balun baku alunu sira ne’ebé iha diferénsia grupu. 

Primeiru-Ministru Kay Rala Xanana Gusmão, hato’o lia-hirak ne’e, hafoin enkontru ho Prezidente Repúblika Ramos Horta, iha Palásiu Prezidensial, Aitara-laran, Dili, kuarta-feira (04042024).

banner 325x300

“Nune’e mak ha’u aproveita dehan ba Prezidente, orseik ami aprova rezolusaun ida atu prolonga suspensaun arte marsiais ninian, laos tanba atu investiga, lae, atu kontinua tanba sei presiza nafatin situasaun suspensaun ninian”, Primeiru-Ministru Kay Rala Xanana Gusmão, kasu lia ne’e ba Jornalista sira.

“tanba iha eskola balun, alunu sai mestre ba arte marsiail ba grupu ida, baku fali professor, professor pertense ba grupu ida, baku alunu sira, duni alunu sira, hosi grupu seluk”. PM Xanana.

Xanana Gusmão dehan tán, governu aprova rezolusaun ne’e, atu halo proibisaun ba mestre sira, ne’ebé halo fali aktus ne’e iha eskola, tanba ne’e mak suspensaun ba fulan neen, nune’e bele hadia nafatin.

“Enkuantu iha tempu ne’e tomak, sei buka influênsia, motiva arte sira ne’e dehan, se temi naran arte, ita loke kompetisaun ida ba hatudu, hanesan Taekwondo, Karate, ba liur, dalaruma mai lori Medalla, ita kontente hotu”, PM Xanana esplika.

“Sira mós ita bele muda mentalidade haketak malu, lakohi koñese malu ona. Se ita temi arte, entaun ita ba arte”, Primeiru-Ministru ne’e hakotu.

Iha komunikadu imprensa ne’ebé governu fó sai, iha loron 10 fulan-Novembru tinan 2023, Ministu Juventude, Desporto, Arte no Kultura hetan responsabilidade hodi promove inisiativa sira ne’ebé presiza atu sensibiliza populasaun, liuliu foin-sa’e, kona-ba importánsia atu pratika desportu ho saudavel. Ministru Juventude, Desporto, Arte no Kultura mos iha responsabilidade atu adota atus ne’ebé presiza hodi implementa no kumpre Rezolusaun ida ne’e ho forma integrál liuliu kona-ba suspensaun ba atividade no enserramentu (taka) sentru, klube no eskola sira ne’ebé destina ba prátika artes marsiais.

Entertantu, iha tinan 2023, Governu determina suspensaun ba atividade arte marsiais, liuhosi Rezolusaun Governu no. 45/2023, hosi loron 10 fulan-Novembru, kona-ba ensinu, aprendizajen no prátika artes marsiais ho adosaun (ka foti) medidas hodi assegura ordem públika.

Suspensaun ne’e akontese ba arte marsiais hanesan Persaudaraan Setia Hati Terate (PSHT), Kmanek Oan Rai Klaran (KORK), no Ikatan Keluarga Silat Putra Timor Leste (IKS PTL) Kera Sakti.

Editór Testu: Amito Qonusere Araújo

relavante