banner 728x90

Green Kantina “Curhat” ba Horta ho Oecusse oan kona-ba ikan

banner 120x600

G-NEWS (DILI) – Rádiu Televizaun G-News, sei provoka, atu partilla informasaun sira úniku, susesu ema ida nian, iha setór saida deit, hodi halo ánaliza ba kómiku, edukadu, diverte, atu hakmaan leitor sira nia kakutak, nune’e labele baruk atu hala’o atividade ka servisu loron-loron. Loron ida mak ita la lee, sente Mundu nia kloot sai luan liutan. Tanba ne’e hatoman an hodi lee, nune’e bele konhese Mundu, hodi dada besik mai fuan, ne’e sei furak liu tán, no ba bebeik sai na’in ba mundu ne’e.

Iha pájina ida ne’e, Redasaun G-News tenta atu halo konluzaun ida, kona-ba asaun eroika hosi Prezidente Repúblika José Ramos Horta hasoru labarik feto kiik na’in rua. Iha títulu hosi konteúdu ida ne’e mak Green Kantina “Curhat” ba Horta ho Oecusse oan kona-ba ikan. Tanbasá mak Ha’ foti títulu ne’e, tanba Green Kantina, mak fatin konversa entre Prezidente Repúblika José Ramos Horta ho labarik Oecusse oan na’in rua, iha ne’ebé labarik na’in rua ne’e hato’o sentimentu ka espresa sira na’in rua nia situasaun ka Bahasa Malaiu dehan Curahan Hati (Curhat). Sira curhat ba malu; iha ne’ebé labarik na’in curhat ba Horta, no Horta rasik Curhat fali iha Facebook. Kuandu tau ona iha facebook, ne’e Horta nia curhat ne’e haleu kedan mundu, entaun labarik na’i rua nia curhat mos Horta lori haleu tiha mundu. Hahahaha.

banner 325x300

Prezidente Repúblika José Ramos Horta gosta tebes atu konversa ka dadalia ho labarik kiik oan sira. Xefe Estadu ne’e, sempre públika ninia atividade loron-loron, kuandu hasoru malu ho sidadaun sira, iha fatin ne’ebé deit, satan ho Labarik sira.

Maske nia preokupa ho servisu Estadu nian, nu’udar Aman ba nasaun, José Ramos Horta sempre fahe nia tenpu hodi vizita sidadaun sira ne’ebé halibur hamutuk. Importánsia hosi Vizita ne’e, atu konversa. Maiória sidadaun sira gosta tebes atu hasoru malu, depois hadau malu bensa, tanba Prezidente Repúblika ida ne’ebé hatudu ninia Umilde.

Bainhira Prezidente Repúblika ne’e kuandu tun, se mak la gosta atu hobur. Imajina hanesan hobur bani-been, tan ne’e Prezidente Repúblika, ema númeru un iha Estadu RDTL. Imajina iha nasaun seluk, la naran-naran sidadaun bain-bain ko’alia halimar, ka konversa ho Prezidente Repúblika, satan labarik oan sira, tanba iha eskoltu kintu-kantu, maibé José Ramos Horta la hanesan ne’e, tanba Nia hatene katak, nia nu’udar aman ba Nasaun, sente ko’alia ho nia oan sira maske iha diferensa ideias.

Iha postájen ida iha Identidade Facebook José Ramos Horta, iha Sexta-Feira (14042023), Prezidente Repúblika konversa ho labarik na’in rua. Labarik na’in rua ne’e Eskola iha Bairro-Pite, Dili. Iha postájen ne’e, Horta ko’alia kona-ba han-meúdia ho labarik na’in rua ne’e.

Buat ida ne’ebé sente kómiku, maibé inspira tebes mak, iha postájen ne’e, José Ramos Horta mensiona kona-ba han hahan ne’ebé diferente.

“Hau han nasigoren. Hau nia konvidada espesial han manu sona ho etu, modo, salada. Hemu sumu abakat”, nota informativa ofisiál.

Iha espasu tuir mai ne’e, G-News fó sai postájen kompletu hosi Prezidente Repúblika José Ramos Horta nian kona-ba han meúdia ho labarik feto, hanesan estudante.

“Almosu ho Julmira tinan 9, Feviana tinan 11.
Sira nain 2 ba eskola iha bairro pite.
Loro-loron mai han iha Palacio Nicolau Lobato.
Hau konvida Julmira no Feviana mai han almosu iha Green Kantina. Ami koalia animadu. Ida hakarak istuda sai Pilotu aviaun. Ida hakarak istuda Medisina”, transkreve iha nota informátiva ne’e.

Situasaun ne’e laos foin ema númeru un ne’e halo, maibé Nia halo bebeik iha fatin ne’ebé la hanesan, no sempre públika imajen sira iha ninia Facebook, no halo kedan deskripsaun kómiku.

Buat ida kómiku tán mak, Horta ko’alia kona-ba labarik na’in rua ne’ebé espresa sira nia sentimentu lahan ikan.

“Oan rua ne ema Oe-cussi. Sira la han ikan. Sira explika…”ita han ikan bele matan aat, tilun diuk, isinlolon kanet hotu”, Horta deskreve.

Loos duni, Oekusse oan barak la han ikan. Razaun saida ita seidauk hatene. Maibé balun dehan sira lulik, no dehan deit lulik. Namannya juga lulik ne’e labele ko’alia sai.

Se mak la konhese ema ida José Ramos Horta, Prezidente Repúblika RDTL ba dala rua ona. Laos asume kargu iha Timor Leste deit, maibé konhesidu mós iha nível Internasionál. Dala-ida nia asume kargu boot ida iha Nasoens Unidas. Sai hanesan Reprejentante Espesial Nasoens Unidas iba Guinne-Bissau. Iha tán kargu seluk ne’ebé nia asume, dalaruma ita ko’alia deit ninia kargu, sura deit loron tomak mós seidauk hotu. Hahahahaha!!!

Ida ne’e hakerek simples ida, ba José Ramos Horta, hanesan Prezidente Repúblika RDTL. Iha oportunidade tuir mai, G-News sei provoka nafatin atu hakerek buat úniku, ne’ebé ema hotu-hotu labele halo.

G-News kontinua provoka liuhosi hakerek ne’ebé bele halo kakutak malirin tiha, antes lee notísias sira ne’ebé atu públika tuir mai. To’o Aban ehhh Guys…..Loron Diak…..HAKOTU

Redasaun G-News

banner 325x300

relavante