banner 728x90

Guvernu nomeia feto lidera kapitál Dili, Akademista konsidera ne’e ezemplu ida

Dosente Januário Correia // Foto : esploridu.
banner 120x600
1 Views

G-RTV.Com (Dili) : Reuniaun Konsellu Ministru (KM) iha kuarta feira ne’e (28/07), deside Guilhermina Filomena Saldanha Ribeiro sai Prezidente Autoriedade foun Munisípiu Dili ba tinan lima (5) tuir proposta ne’ebé aprezenta husi Ministériu Administrasaun Estatál ( MAE).

Prezidente autoriedade foun ne’e, sai nu’udár feto da-uluk ne’ebé lidera munisípiu ida durante Timor restaura nia independénsia iha tinan 2002.

banner 325x300

Relasiona ho ida ne’e, akademista husi Universidade Nasionál Timor Lorosa’e (UNTL), haktuir, iha konkursu PAM Dili, prezidente foun ne’e hetan kualifikasaun diak liu iha provas ba konkursu nian no sai nu’udár feto da-uluk ne’ebé lidera kapitál nasaun.

‘’Haree husi parte méritu nian, prezidente foun ne’e,hetan kualifikasaun di’ák liu iha prossesu provas konkursu nian no sai nu’udár feto primeiru ne’ebé lidera kapitál nasaun nian, iha situasaun barak ne’ebé sei hasoru, maibé ha’u fiar katak nu’udár feto no inan ida, sei hasoru ho di’ák’’. Haktuir akademista Januário Correia, ba G-RTV news, kuarta ne’e.

Prezidente PAM Dili, Guilhermina Filomena Saldanha Ribeiro // Foto : Ministériu Interior.

Dosente Dezenvolvimentu komunitáriu iha Fakuldade Siénsia Sosiais-UNTL ne’e, hato’o moos nia kongratulasaun no konsidera hanesan ezemplu ida ba feto sira seluk iha vida karreira profesionál.

‘’Kongratula no sai ezemplu moos ba feto sira seluk atu banati tuir, hodi ezerse funsaun iha futuru ho di’ák, hanesan sosiedade akadémiku, ita apresia ida ne’e tambá durante ne’e ita tau atensaun ba iha igualidade jéneru no partisipasaun feto iha karreira profesionál’’. Dehan dosente husi munisípiu Baukau ne’e.

Fontes ne’e, husu moos bá administradora foun atu tau atensaun maka’as bá iha moris vendedór no povu atu labele vítima bebeik.

‘’Administradora ne’e presija iha jestaun bá vendedór ambulante no populasaun sira atu labele sai vítima bebeik bá asaun ekipa saniamentu nian, presija jere ho di’ák’’. Espresaa fontes ne’e.

Entertantu, prezidente foun ne’ebé KM aprova, iha tinan 2014, Nia sai hanesan diretóra jerál iha Sekretáriu Estadu Seguransa (atuálmente hanaran Ministériu Interior) ne’ebé lidera husi Frasncisco Guterres. Iha tinan 2018 ezerse nia funsaun hanesan diretóra jerál servisu korporativus husi Ministériu Interior to’o ohin loron.

 

Jornalista : Arménio.

relavante