banner 728x90

Hametin Estrutura Baze, PUDD Sei Deside Nia Kandiatura Ba PR iha Inísiu Fevereiru 2022

Estrutura Partidu PUDD iha serimónia abertura tara-tais // Foto : Ekipa G-RTV.com
banner 120x600
13 Views

G-RTV.com (DILI) : Partidu Unidade Dezenvolvimentu Demokrátiku (PUDD) hala’o konsolidasaun baze liu husi serimónia simu posse bá estrutura postu-Administrativu Dom Alexo (Dili) hodi hametin estrutura iha baze atu hasoru eleisaun 2022 no 2023.

Prezidente PUDD, Silvestre Sufa ne’ebé fo posse ba estrutura, afirma, atividade ne’e atu hametin estrutura iha baze.

banner 325x300

‘’Programa PUDD nian mak re-ajustamentu estrutura hodi hametin liu tan estrutura hodi hasoru eleisaun jerál sira tambá hametin estrutura hanesan mákina hodi organiza iha baze’’. Afirmasaun Prezidente PUDD iha Tasi-Tolu bainhira partisipa iha atividade konsolidasaun.

Bainhira hatan konabá kandiatu Prezidente Repúblika (PR), lideránsa máximu PUDD ne’e deklara, sei deside iha loron 2 fulan Fevereiru 2022.

‘’ Loron 2 fulan Fevereiru 2022, sei halo konferénsia nasionál hodi foti desizaun ba kandidatura husi Partidu PUDD’’. Deklara lideransa máximu ne’e.

PUDD garante katak maske loron badak maibé sira organizadu hodi hasoru situasaun polítika iha eleisaun Prezidensiál no kontinua ba Parlamentár.

iha fatin hanesan, emposadu nu’udár moos koordenadór PUDD Postu-Administrativu D. Alexo, garante atividade polítika PUDD iha baze atu organiza liu tan hodi fo vitória ba PUDD.

Iha serimonia simu posse ne’e, koordenadór Postu Dom Alexo, Alsinu Moníz  lori empossadu 1000 resin  sei servisu makaas liu tan ba PUDD.

 

Jornalista : Arménio.

Editór : Ekipa G-RTV.com  

relavante