banner 728x90

Hetan Apoiu Husi MRP no L-JEP, Horta Simu Rekomendasaun 4

Foto : Ekipa G-RTV.com
banner 120x600
14 Views

Jornalísta : Arménio //

G-RTV.com (Dili) : Kamada Intelektuais no profisionais mau husi Movimentu rezistênsia Patriota (MRP) no Liga Juventude Estudantíl Patriótika (L-JEP) iha mahon União Movimentu Democratico Patriótica (UMDP), deklara fó nia apoiu tomak bá Kandidatu Pezidente Repúblika 2022-2027 ho númeru sorteiu 14.

banner 325x300

Iha sorumutuk deklarasaun apoiu ne’e, movimentu sira rekomenda pontu 4 ba kandidatu Prezidente ne’ebé hetan konfiansa husi Líder Nasionál Kay Rala Xanana Gusmão ho nia partidu CNRT.

‘’Ami husu atu tau atensaun bá setór sira hanesan, Edukasaun, Agrukultura, Saúde, Ekonomia’’, deklara Porta-vóz Fernando da Costa Ximenes, bainhira hasoru malu ho kandidatu José Ramos-Horta iha sede nasionál UMDP (Osindo, Dili), Kinta ne’e, 24/02/2022.

Razaun husi rekomendasaun 4 ne’e mak 1), Edukasaun nu’udar setór importante hodi garante rekursu umanu kualifikadu iha futuru hodi dezenvolve nasaun Timor-Leste, 2) Agrikultora nu’udar setór importante no pertinente hodi garante sustentabilidade la’ós de’it ba vida agrikultór, maibé mós garante produtividade agrikola hodi bele kontribui ba dezenvolvimentu ekonomia iha rai laran, 3) Saúde nu’udar setór importante ida ne’ebé presiza hetan atensaun makas hodi doutór no parteira no infermeira sira, bainhira povu eleva duni konfiansa hodi fila fali ba kaer rotan ukun nian nu’udar aman ba nasaun, tanba. “Ami mada intelektais no profisionais, iha fiar ida katak, povu saudavel, nasaun saudavel”, no 4) Ekonomia nu’udar setór ida ne’ebé bele sai hanesan raan no vida nasaun, tanba ne’e povu presiza hetan mós atensaun makas no ami espekta katak, ba futuru bele koloka profisionais sira tuir áreia ida-idak ho loos no loloos, “THE RIGTH MAN ON THE RIGHT PLACE”.

Iha Fatin hanesan, Kandidatu Prezidente, Premiadu Nóbel ba Páz, José Ramos-Horta agradese tebes tamba fó konfiansa ba nia no Xanana Gusmão nu’udar kruz todan boot ida ne’ebé sira sei tane aas konfiansa povu hodi hadia nasaun labele monu.

“Konfiansa ne’ebé ita boot sira fó hanesan kruz todan boot ida, ne’ebé fó mai ha’u no avo Nana (Xanana) hodi hadia orgaun soberania haat ne’e, tanba responsabilidade ba rai ne’e iha ita no partidu hotu-hotu nia liman no instituisaun estadu nian husi nasionál too munisipiu hola parte ida estadu ita hamutuk ho pov uhodi hadia nasaun ne’e,” dehan Horta.

Premiadu Nobel da Paz afirma liu tan, rona apoiu hosi povu no nia sente kontente, maibé apoiu ne’e la fasil, tanba presiza ema hotu- hotu nia apoiu morál no asaun hodi ajuda nia ho Xanana hadia nasaun ne’e atu labele sai hosi “tahu laran”.

“Imi nia apoiu ba ha’u la’ós previleziu ida, maibé ita simu todan ne’e atu buka hadia nasaun konta ho imi hotu nia apoiu, tanba uluk ha’u simu apoiu hosi Sekretariu Jerál ONU ba misaun ONU iha Guinea-Bisaun konsege buka rezolve problema sira no hanesan mós iha ita nia rain, ha’u sei buka rezolve problema sira ne’e hotu,” dehan Horta.

Kandidatu númeru surteiu 14 ne’e hatutan, se bainhira sai prezidente buat ne’ebé nia tenki halo maka sei la trai povu nia konfiansa no hadia instituisaun estadu tenki la’o ho demokratiku no hatuur hikas orden demokratiku bele la’o di’ak fila fali.

“Ita nia demokrasia iha Sout ASEAN la signifika di’ak, ita nia demokrasia sei fragil hela tanba ita haree prezidente (Fransisco Guterres Lú Olo) ne’ebé hetan apoiu ho Maun Boot Xanana nia apoiu maka kria fali krize too agora, tanba lakohi fó pose ba membru governu hosi CNRT nian,” tenik nia.

Timor-Leste mós presiza tebes primeiru ministru ida ne’ebé atu lidera kualkér governu tenki iha konesimentu klean kona-ba ekonomia, finansas no iha ligasaun ho parseiru internasionál hodi servisu hamutuk.

“Ita presiza primeiru ministru ida matenek, sositifikadu no ministru finansas ida ne’ebé mós matenek tebes,” tenik nia.

Horta rasik nia iha esperensia klean atu buka rezolve krize politika no militár iha rai liur (Guinea-Bisau) no mós Timor-Leste.

Entretantu, deklarasaun aberta ne’ebé hato’o hosi ekipa UMDP hetan partisimasaun masimu hosi juventude intelektuias kuaze 200 resin.(remata)

 

 

 

 

 

 

 

relavante