banner 728x90

Hetan Suspensaun husi Konsellu Estadu, Naimori Sei hatan Iha tribunál

banner 120x600
19 Views

G-RTV.com (Dili) : Membru Konsellu Estadu José Dos Santos ‘’Naimori’’ Bucar hetan suspensaun bazeia bá pedidu husi Tribunál  .

Desijaun Suspensaun refere, konselleiru másimu partidu KHUNTO hetan  mai  husi membru konsellu estadu tomak ne’ebé hala’o reunião iha segunda ne’e, ho prezensa xefe estadu Francisco Guterres Luolo iha palásiu prezidénsial.

banner 325x300

Tuir proposta deliberasaun ne’ebé G-RTV.com assesu, esplika katak deliberasaun konsellu estadu ho númeru 1/2021 ne’ebé publika iha jornál repúblika (Serie I, Nu 30 B) iha loron 26/07,  ho lian português, ‘’ Suspensão de funções do Sr. José dos Santos Naimori Bukar como Membro do Conselho de Estado’’.

Razaun ne’ebé aprezenta iha deliberasaun refere mak Jose Dos Santos atu hatan ba pedidu julgamentu husi tribunal distritál Baukau konabá kazu ne’ebé rezistradu ho númeru prossesu 0039/18.LASIC.

Aprezentasaun suspensaun ne’e bazeia ba artigu 12 númeru 3, Lei nú.1/2005, iha 09 fevereiru husi rezimentu konsellu estadu nian iha artigu 29, númeru 2 ne’ebé aprovadu iha loron 17 fulan Maio tinan 2005.

To’o notísia ne’e hatun, G-RTV.com seidauk iha konfirmasaun konabá pozisaun husi parte José dos Santos nian relasiona ho desizaun suspensaun refere.

Jornalista : Arménio.

relavante