banner 728x90

Horta : ‘’Ba Rai Ida Ne’e, Ha’u Servisu Ho Ónra’’

banner 120x600
26 Views

Jornalísta : Arménio //

G-RTV.com (Same) : Premiadu Nóbel bá Páz, José Ramos-Horta nu’udár mós kandidatu Prezidente Repúblika 2022-2027, kontinua hala’o nia atividade kampaña eleitorál iha munisípiu Manufahi, Segunda ne’e.

banner 325x300

Iha komísiu Kandidatu husi CNRT ne’e afirma, la’ós sai Prezidente Repúblika (PR), atu hetan servisu ruma maibé hanesan ónra ida atu kontinua serví Timor Leste

’Se mak fiar iha konstituisaun no demokrasia, labele simu ne’e, tambá ne’e mak ha’u simu todan ne’e, ha’u la buka servisu, ha’u hetan ona servisu barak iha rai-laran no rai-liur, maibé ba rai ida ne’e, ha’u servisu ho ónra ho matenek oituan ne’ebé Maromak fó ba ha’u, ha’u tau ba serví rai ida ne’e’’, Deklara Horta iha kampaña ne’ebé hala’o iha kampu futeból Maufahi-Villa, 07/03/2022.

Kandidatu ho númeru sorteiu 14 ne’e, kontinua afirma nia pozisaun konabá rezolve inkonstitusionál ne’ebé tuir nia, viola husi atuál Prezidente Repúblika iha tinan 5 ikus ne’e.

Iha Fatin hanesan, veteranu ne’ebé uluk subar Kay Rala Xanana Gusmão, Aqui Leon, apela bá povu Manufahe atu vota ba Horta iha loron votasaun ne’ebé sei realize iha loron 19/03.

‘’Ohin ita hamriik hamutuk iha fatin ne’e, ita afirma fila-fali pozisaun, atu vota iha dia 19/03/2022f, Vota Horta tambá atu hadia fila fali nasaun Timor Leste, tambá nasaun di’ák, nasaun forte, povu mós sei moris di’ák, nune’e povu Manufahe tenke tuba númeu 14’’, Apela Aque Leon.

Tuir observasaun iha kampaña refere udan bo’ot habokon partispante kuaze ema na’in 2000 mai husi postu sira ne’ebé ezíste iha munisípiu Manufahi.

Entretantu, kampaña ne’e supreviziona husi CNE, observadór internasionál no asegura husi PNTL munisípiu, tuir oráriu sei kampaña bá kandidatu refere sei kontinua ba munisípiu Suai. (REMATA).

relavante