banner 728x90

Horta–Rogerio Vizita Fatin Moris Nicolau Lobato Ne’ebé Nakonu Ho Du’ut

Foto : Esploridu
banner 120x600
20 Views

Jornalísta : Arménio //

G-RTV.com (Manatutu) : Kandidatu Prezidente Repúblika 2022-2027, José Ramos-Horta antes hahu mini-kampaña iha postu-adiministrativu Soibada-Villa, hala’o uluk vizita hodi Presta Omenjen Ba ba fatin moris saudozu Prezidente Nicolau Lobato ne’ebé nakonu ho du’ut ou abandonadu.

banner 325x300

Iha Vizita ne’e, Horta informa katak, ba futuru sei hadia atu sai fatin kulturál no spirituál hodi fó onra bá primeiru Prezidente Repúblika 1975.

‘’Nicolau Lobato ita nunka haluha iha ita nia istória, ita harii ona monumentu iha rotunda Comoro (Dili), fatin sagradu ida tan mak iha nia moris, iha ne’e mós ita sei hari fatin kulturál no spiritual hodi fo ónra,’’ Deklara Premiadu Nóbel Bá Páz, José Ramos-Horta, hafoin vizita fatin moris Nicolau ho nia família iha Soibada, Munisípiu Manatutu, Kinta ne’e, 07/04/2022.

Uma fatin tuan ne’ebe Nicolau Lobato ho nia familia moris ba // Foto : G-RTV.com

Iha tempu hanesan, reprezentante família mós espressa, ‘’fatin ne’e ema la rekoñese, ne’e nicolau no nia família nia moris fatin, tempu funu ema barak halai mai subar iha ne’e, agora ailaran, du’ut nakonu,’’ Dehan Tiu husi Nicolau Lobato, José Felíx.

Akompaña Horta iha vizita ne’e, alin husi Nicolau Lobato, Fundadór FALINTIL, Rogerio Tiago Lobato no família hamutuk ho militante no simpatizante kandidatu nian.

Antes ne’e, iha tinan kotuk, iha fatin hanesan, Líder nasionál nu’udár saseluk Nicolau Lobato iha komandu luta, Kay Rala Xanana Gusmão vizita uluk ona no Oan-mane saudozu Nicolau, José Lobato ne’ebé akompaña vizita ne’e, husu ona deskulpa no promete sei hadia fatin refere.

Tuir observasaun G-RTV.com iha terrenu, fatin saudozu Nicolau Lobato nia moris fatin, nakonu ho du’ut hafutar ho bandeira FRETILIN.

(REMATA).

 

 

 

relavante