banner 728x90

Igreja Katólika respeita desizaun PR kona-ba loron eleisaun iha Domingu

banner 120x600
1 Views

G-NEWS (DILI) – Liuhosi komunikadu imprensa ne’ebé hasai hosi Conferência Episcopal Timorense (CET) iha loron Kinta-Feira, loron 23 fulan Fevereiru tinan 2023, ne’ebé asina hosi Arcebispo Dili no Pro Prezidente CET Dom Virgílio Kardeál do Carmo da Silva, kona-ba loron eleisaun legislátiva nian ne’ebé sei monu iha loron Domingu, loron 21 fulan Maiu tinan 2023, mak Conferência Episcopal Timorense (CET) hare’e, konsidera, tetu ho atensaun ba dekretu Prezidénsial ho númeru 9/2023.

Tanba konsidera, tetu ho atensaun, mak Arcebispo Dili no Pro Prezidente CET Dom Virgílio Kardeál do Carmo da Silva, hato’o ba sarani sira hotu pozisaun Uma Kreda Katólika Timor Leste ninian.

banner 325x300

“Respeita desizaun Prezidente da Repúblika tuir dekretu Prezidénsial númeru 9/2023″, haktuir iha númeru-1 karta komunikadu imprensa CET nian (230222023).

Dom Virgílio Kardeál do Carmo da Silva, apela ba saráni Katólika iha Timor Leste atu kumpri dever nu’udar sarani diak hodi partisipa nafatin Missa iha loron Domingu tuir Santa Kreda nia hanorin. Apela ba saráni Katólika iha Timor Leste atu kumpri dever nu’udar sidadaun diak hodi partisipa direta iha votasaun ba eleisaun legislátiva iha loron Domingu ne’e”, esplika iha númeru-2 to’o 3 Komunikadu Imprensa CET nian.

 

Alende ne’e, iha karta komunikadu imprensa ne’e mós, Arcebispo Dili no Pro Prezidente CET fo hanoin ba Timoroan sira hotu atu ezerse direitu partisipasaun polítika ho paz, domin no responsábilidade hodi respeita malu nafatin iha eleisaun legislátiva dezde periódu kampanha to’o loron eleisaun.

Uma Kreda Katólika fo nafatin orasaun ba Timoroan tomak no Sarani sira hotu atu Maromak haraik nafatin grasa no bensaun ba povu no rai doben Timor Leste atu moris iha paz no hakmatek.

Fontes              : Ekipa G-News
Editór Textu     : Amito Qonuere Araújo

relavante