banner 728x90

Iha Aileu, Horta Deklara Labele Ataka Malu

Ramos Horta simu surik husi lia-nain Aileu, entrega Surik nu’udár símbolu entrega kroat hodi hases violénsia // Foto : ekipa G-RTV.com
banner 120x600
68 Views

Jornalísta : Arménio //

G-RTV.com (Aileu) : Kandidatu prezidente repúblika períodu 2022-2027, José Ramos-Horta, ba dala 5, hala’o iha kampu futeból munispál Aileu, iha Dominggo Semana ne’e.

banner 325x300

Iha komísiu, premiadu nóbel bá paz afirma, buka hakuak ba sira ne’ebé iha podér, labele insulta malu, labele ataka malu.

‘’Ha’u hateten bebeik,bainhira ita iha leten, ita hakraik-án, hakruk ba sira ne’ebé iha kraik, buka hakuak ba sira ne’ebé iha podér, labele insulta malu, labele ataka bainhira kaer poder, tambá bele halo difísil liu tan diálogu ba oin’’, Afirma Horta perante apoiante iha munisípiu Aileu, 06/03/2022.

Nia mós husu atu halo reflesaun didiak bainhira ataka malu tambá dalaruma sei iha resposta ruma iha momentu ne’ebé lós.

‘’Halo reflesaun didiak, labele ataka ema, dalaruma sei iha resposta ruma iha momentu ne’ebé lós no iha fatin ne’ebé lós’’,deklara Kandidatu ho númeru sorteiu 14.

Eis-prezidente ne’e, esklarese liu tán, di’ák liu tuir paktu husi CNE ne’ebé kandidatu hotu assina ho objetivu atu labele insulta malu no uja violénsia iha tempu festa demokrasia ne’e.

Bainhira eleitu, kandidatu ne’e sei kontinua apoia guvernu atu ezekuta planu Estratéjiku Dezenvolvimentu Nasionál (PEDN 2011-2030), kontinua hadia estrada, halo manu tensaun ba estrada.

Partisipante mai husi postu administrativu ne’ebe eziste iha aileu // Foto : ekipa G-RTV.com

Iha kampaña ne’e, hetan partisipasaun husi apoiante mai husi partidu CNRT, partidu balun no movimentu sira kuaze ema na’in 2000 resin no hetan mós observasaun husi CNE no kolaborasaun seguransa husi PNTL.

Entretantu, tuir planu, kadidatu ne’ebé sempre akompañamentu husi prezidente CNRT Kay Rala Xanana Gusmão, sei hala’o nia atividade kampaña iha munisípiu Manufahi (Same). (REMATA).

relavante