banner 728x90

Iha Ainaru, JHR Deklara La Halo Krize, ONU Sai Sasin

Foto : Ekipa G-RTV.com
banner 120x600
33 Views

Jornalísta : Arménio //

G-RTV.com (Ainaru) : Kandidatu prezidente repúblika períodu 2022-2027, José Ramos-Horta (JHR), kontinua  hala’o nia kampaña eleitorál ba dala-7 iha Munisípiu Ainaru-Villa.

banner 325x300

Iha komísiu kampaña, kandidatu prezidente ho númeru sorteiu 14 ne’e, afirma, bainhira eleitu sai prioritiza diálogu hodi rezolve violasaun konstutuisaun.

‘’Povu Ainaru, rai bonitu, karik fó mandatu iha 19/03, halo uluk diálogu ho partidu CNRT no Maun Xanana inklui partidu sira seluk, atu buka hadia violasaun konstituisaun ne’ebé violadu’’, Afirma José Ramos-Horta, iha munisípiu Ainaru, 09/03/2022.

Iha oportunidade ne’e, nia mós hatan ba polémika ne’ebé dehan, karik bainhira eleitu sei hamosu krize foun tambá sei ‘’sobu’’ parlamentu.

‘’JRH karik eleitu, sei provoka krize ruma, ha’u nunka provoka krize, tambá Organizasaun Nasaun Unidu (ONU) sai testamunã, ha’u ho maun Xanana hamutuk bainhira ha’u sei prezidente iha 2007 ami rua rezolve problema krize 2006 ’’, tenik JHR parente militante no komunidade iha Ainaru.

Kandidatu ne’e, apresia mós militante CNRT ne’ebé sempre kolabora hodi realiza kampañane’ebé la’o ona durante loron 7 ne’e.

‘’Ema tolok labele tolok tan, labele tuda fatuk, ne la manan buat ida, CNRT nia kampaña la’ó diak tebes, tambá militante kolabora’’, espressa apresiasaun husi kandidatu ne’ebé indijita husi partidu CNRT.

Entretantu, Iha kampaña refere, partisipa husi partispatante kuaze ema na’in 1000 resin mai husi postu sira iha munisípiu Ainaru, menus Maubisse tambá iha loron 6 fulan ne’e, molok hakat bá munisípiu Ainaru, hala’o uluk ona mini-kampaña iha Maubisse.

Hanesan babain, kampaña JHR nian hetan suprevizaun husi CNE, PDHJ, OIPAS no sosiedade sivíl sira seluk inklui observadór Internasionál. (REMATA).

 

relavante