Jornalísta : Júlio Sonia Paixão //
G-RTV.com (Dili) : Kandidatu prezidente períodu 2022-2027, Lere Anan Timur (LAT) kontinua halo kampanha ba dala 3 iha iha kampu Darisula, Suku Garuwai, Munisípiu Baucau, Sexta semana ne’e.
Iha kampaña ne’e Eis-komadante F-FDTL hatete katak nia sei halo realize nia komprimisiu polítiku sira durante hato’o iha kampaña.
‘’Karik ha’u eleitu ba prezidente repúblika ha’u sei servi ba povu no nasaun Timor-Leste no ha’u sei halo diálogu ho líder sira seluk konabá ímpase politíka iha nasaun Timor-Leste, ha’u mós garante sei sai aman ba nasaun iha tinan 2022-2027 ho responsabilidade tomak’’, deklara LAT durante iha komísiu polítika ho komunidade no simpatizante iha Baucau.https://g-rtv.com/blog/abertura-kampana-iha-manatutu-lat-numeru-8-baku-fila-mos-nafatin-deit-tuir-prinsipiu/2483/notisia/
Hafoin husik hela fatin kampaña, kandidatu ne’e hakat liu bá munisípiu Lautém, lospalos-villa, hodi kontinua nia atividade kampaña, maibé antes to’o Lospalos-Villa, simpatizante husi kandidatu ho númeru sorteiu 8 ne’e simu nia iha portaun entrada entre Baucau no Lautém.
Entertantu, iha eventu politiku ida ne’e, partisipa husi simpatizente partidu balun inklui populasaun Baucau no hetan observasaun direita husi CNE no STAE inklui obsevadóe internasionál sira. (REMATA).
