banner 728x90

Iha Likisa, LAT Promete Lori Ruin Dom Martinho Mai Timor, Lú-Olo Sei Estuda

Foto : Ekipa G-RTV.com
banner 120x600

Jornalísta : Júlio Sónia Paixão //

G-RTV.com (Likisa) : Kandidatu prezidente repúblika períodu 2022-2027, Lere Anan Timur (LAT), kontinua  halo kampaña ba dala-6 iha Munisípiu Likisa-Villa.

banner 325x300

Iha komísiu kampaña, kandidatu prezidente ho númeru 8 ne’e, promete sei lori Dom Martinho nia ruin iha portugál mai Timor Leste.

“Ha’u sai prezidente republika (PR), tinan ida nia laran Bispu  Dom Martinho nia ruin tenki to’o Timor, ne’e mak hatudu rekonsiliasaun , erói bo’ot Timor-Leste ninian, nia ruin iha Portugál tambá Portugal la’ós Dom Martinho nia rai’’, deklara LAT iha komísiu kampaña ne’ebé hala’o iha likisa-villa, 08/03/2022.

‘’Ha’u rasik ho ha’u nia fe’en ba vizita nia ruin iha Portugál, ha’u triste tebes no tanis, ha’u hare fatin seluk, ruin iha ne’e tau iha vidru osan mean di’ák, ita nia erói bo’ot Bispo Dom Martinho Lopes hatama iha Armari ida, Tau xave’’, Dehan iha nia komísiu polítika.

Antes ne’e, bainhira jenerál reformadu ne’e fila husi vizita saudozu D. Martinho Lopes nia ruin iha portugál, informa kedas ba atuál PR, Franscisco Guterres Lú-Olo maibé to’o agora sei estuda.

“Ha’u fila husi Portugál, ha’u hateten, prezidente Lú-Olo lori ona saudozu Dom Martinho Nia ruin mai Timor, dehan di’ák, maibé até agora ladiak nafatin, sei hanoin no estuda’’, esklarese jenerál refomadu ne’e.

Nune’e mós, selebra loorn internasionál ba feto, kandidatu ne’e la haluha hato’o mós nia felisitasaun ba loron importante ne’e.

Entertantu, iha eventu polítiku ida ne’e, partisipa husi simpatizente partidu balun inklui populasaun Likisa kuaze 1000 resin, no hetan observasaun direita husi CNE, OIPAS, PDHJ, inklui obsevadór  internasionál sira. (REMATA).

 

banner 325x300

relavante