banner 728x90

Iha RAEOA, Horta Konsidera Buat Ruma La’o La Loos

Horta Ne’ebé Akopaña Husi Prezidente Partidu CNRT, Kay Rala Xanana Gusmão // Foto : esploridu
banner 120x600

Jornalísta : Arménio //

G-RTV.com (RAEOA) : Kandidatu prezidente repúblika períodu 2022-2027 husi CNRT, José Ramos-Horta, kontinua  halo kampaña públiku ba dala-11 iha RAEOA (Oecusse).

banner 325x300

Iha komísiu kampaña, kandidatu prezidente ho númeru sorteiu 14 ne’e, preokupa probreza iha Oecusse ás liu iha territóriu nasionál no konsidera buat ruma la’o la loos.

‘’Bá Oe-cusse, tuir dadus estatísta tuir orsamentu estadu besik milliaun 77, maibé tuir estudu ONU, rezulta nível probreza ás liu iha territóriu nasionál, tambá ne’e buat ruma la’o sala karik,  nune’e bá oin, guvernu ne’ebé mai tenke hare fali estratejia polítika ekonómika ba Oe-Cusse, polítika tenke tane povu’’, afirma Horta iha kampaña ne’ebé hala’o iha sidade RAEOA, 12/03/2022.

Nia hatutan, polítika ekonomia tenke tau matan ba ksok-oan sira nia nutrisaun, inan sira, katuas no ferik sira, inklui juventude sira.

’Ekonomia ne’ebe tenke tau matan ba kosok-oan sira nia nutrisaun, inan sira, katuas no ferik sira, ba juventude no formasaun professionál, tambá tinan rua ka tolu ita sei tama iha ASEAN, sei iha aoportunidade barak atu jóvem sira iha oportunidade atu servisu iha rai sira ASEAN’’, Hatutan Premiadu Nóbel Bá Paz ne’e.

Eis-Prezidente Repúblika 2007-2012 ne’e promete mós, sei haklean relasaun externa hodi hare ba Timor-oan sira ne’ebé ba buka servisu iha rai-liur.

‘’Sei halo investimentu diplomasia maka’as atu halo relasaun ho nasaun Japaun, Xina, Austrália no Korea Súl, sei hametin liu tan relasaun ho uniaun Europeia hodi hare passaporte Timor bele ba servisu iha Europa nian’’, Dehan Horta.

Iha Oportunidade ne’e,fontes hato’o mós nia lamentasaun balun ba koligasaun guvernu atuál (FRETILIN, PLP, KHUNTO) ne’ebé iha semana rua ikus ne’e kontinua halo asaun violénsia ba malu iha âmbitu kampaña nia laran.

Kampaña refere, hetan partisipasaun máxima husi komunidade RAEOA ho nia sub-rejiaun sira kuaze ema rihun resin, inklui militante partidu CNRT RAEOA, forsa polítika no movimentu sira, hetan mós observasaun husi CNE, PDHJ, OIPAS inklui observadór internasionál no hetan seguransa husi autoriedade seguransa RAEOA. (REMATA).

banner 325x300

relavante