banner 728x90

Iha Watulari, Militante FRETILIN Hetan ‘’Alerta’’ Husi Lere

Lere simu prezente faru CCF husi militante FRETILIN watulari // Foto : esploridu
banner 120x600
33 Views

Jornalísta : Arménio //

G-RTV.com (Dili) : Kandidatu Prezidente Repúblika 2022-2027, Jenerál (REF.) Lere Anan Timor (LAT) ho númeru sorteiu 8, hala’o vizita bá komunidade postu-administrativu Watulari, munisípiu Vikeke, Kinta ne’e.

banner 325x300

Iha vizita, Tenente Jenerál reformadu ne’e ’’alerta’’, maske estrutura sentrál FRETILIN la apoiu maibé  lalika tauk atu vota nia.

‘’Maske iha ema balun dúvida konabá ha’u nia kandidatura , la hetan apoiu husi CCF maibé ha’u hakarak deklara ba públiku katak, imi lalika ta’uk atu vota ha’u, tambá ha’u FRETILIN nanis, FRETILIN iha ha’u nia isin lolon no klamar ‘’, deklara Lere, iha komunikadu Imprensa ne’ebé G-RTV.com iha loron 24/02/2022.

Nia reforsa tan,  la iha ida mak tula liman, konfia de’it mak veteranu no povu ki’ik sira mak sei tula liman ba nia iha loron votasaun 19/03/2022.

‘’Iha funu laran la iha ida mak tula liman bá ha’u, iha de’it mak povu ki’ik inklui veteran no kaixa klandestina maske maun Marí tula liman ba Lú-olo, maun Xanana tula liman bá Horta’’, reforsa kandidatu husi munisípiu Lautém-oan ne’e.

Iha lia menon páz nian, veteranu tinan 24 iha ai-laran ne’e, deklara lakohi atu povu Timor Leste fakar-ran dala ida tan.

‘’Ha’u lakohi povu Timor Leste fakar raan dala ida tan, tambá ne’e ha’u nia ukun ha’u sei kria de’it mak páz maske iha konstituisaun Repúblika difini Prezidente Repúblika bele deklara funu’’, lia páz husi fontes ne’e.

Entretantu, durante vizita partisipante maioria mai husi veteranu, jóvem no inan-aman sira inklui militante husi partidu FRETILIN no partidu seluk ne’ebé deside apoiu Lere iha eleisaun prezidensiál tinan ne’e. (REMATA).

relavante