banner 728x90

Imigrasaun Indonézia autoriza timoroan uza passaporte liu data ekstensaun tama sira nia territóriu

banner 120x600

G-NEWS (DILI) – Liuhosi karta offisial hosi Embaixada Repúblika Indonézia iha Timor Leste, ho númeru D. 0060/KBRI/V/2023, iha loron 10 fulan Maiu tinan 2023.

Iha konteúdu karta ne’e, Embaixada Repúblika Indonézia iha Timor hato’o komprimentus onra ba Ministériu Negósiu Estranjeiru no Kooperasaun Timor Leste.

banner 325x300

“Ho onra informa katak, Diretór Jenerál Imigrasaun Ministériu da Justisa no Direitus Humanus Repúblika Indonézia, liuhosi karta sirkular hosi Diretór Jenerál Imigrasaun, ho númeru IMI-2-UM. 01.01-4.2848 iha loron 8 Maiu 2023, notifika ona katak, Passaporte Repúblika Demokrátika Timor Leste ho ekstensaun manual, sei fasilita movimentu no karta ba lisensa rezidénsia hosi Diretór Jenerál Imigrasaun Repúblika Indonézia nian”, Konteudu hosi karta ne’e.

Iha Kuarta-Feira, loron 29 fulan Marsu tinan 2023, Governu Timor Lsste aprova ona prolongamentu ekstraordináriu prazu ba validade Passaporte eletróniku. Dokumentu hotu-hotu bele uza to’o filan Maiu tinan 2024, tanba iha difikuldade atu hetan fila-fali ema seluk hodi halo validasaun foun.

Relasiona ho karta ne’e, Ofisial Funsionáriu Embaixada Repúblika Indonézia iha Timor Leste Eka Mauboe, ba G-News, Tersa-Feira (10052023) informa katak, karta ne’ebé fó sai ba públiku ne’e loos.

“Karta ne’e loos duni. Maibé atu informasaun klaru liutan, Ita boot bele halo entrevista ho Ministériu Justisa no Ministériu Negósiu Estranjeiru no Kooperasaun”, Nia informa.

To’o informasaun ne’e fó, G-News tenta halo konfirmasaun ho Ministériu Negósiu Estranjeiru no Kooperasaun, maibé seidauk iha konfirmasaun. G-Newssei tents atu hetan resposta kona-ba ne’e.

Jornalista     : Ekipa G-News
Editór Testu  : Amito Qonusere Araújo

banner 325x300

relavante