banner 728x90

Inagurasaun Sede Nasionál Partidu KHUNTO, Armanda: ‘’Ha’u Sei La Tolera’’.

Prezidente Partidu KHUNTO, Armanda Berta assina plaka inagurasaun ne’ebé hetan akompañamentu husi Prezidente PN, Prezidente Komisaun Nasionál Eleisaun (CNE-Sigla Português), no konvidadu sira. // Foto : Arménio.
banner 120x600
1 Views

G-RTV.Com (DILI): Selebrasaun tinan 10 partidu Kma’anek Haburas Unidade Nasionál Timor Oan (KHUNTO) ho serimonia inagurasaun sede nasionál partidu, iha diskursu, prezidente partidu KHUNTO, Armanda Berta Dos Santos, ho firme haktuir ba partisipante hotu katak sei la tolera membru iha ezekutivu (Guvernu) no lezilativu ( Parlamentu Nasional) bainhira kontra regras.

’Ha’u sei la tolera estrutura partidu KHUNTO nian iha ezekutivu no lezislativu ne’ebé mak viola regras, étika, prinsípiu no valores partidu nian, tambá ita nia prezensa iha estadu atu serví povu la’ós serví ba ita nia-an tuir buat ne’ebé haktenik iha lema, Tane Ó rai, O Ema no Ó Lisan’’. Haktuir Berta iha serimónia aniversáriu natalísiu partidu ba dala-10 no inagurasaun sede Nasionál Partidu KHUNTO iha Suku Manleuna, Munisípiu Dili (04/07).

banner 325x300

Oportunidade ne’e, atuál Vise-Primeira Ministra reforsa tan, partidu KHUNTO tinan 10 aprende polítika foun hodi hamriik metin ba moris di’ak povu nian.

‘’Partidu KHUNTO eziste tinan 10 0na, aprende pilítika foun hodi hamri’ik metin iha nia prinsípiu rasik, kaer metin ba valores komum  hodi luta ba ema hotu nia diak, ba nasaun nia diak’’. Haktuir nia.

Iha Tinan tolu ikus ne’e, KHUNTO aprende lisaun barak nu’udár avaliasaun ida ba ezisténsia partidu hodi deside nia karrákter rasik.

‘’KHUNTO moris iha istória foun ida ba dezenvolvimentu liu husi pilar importante iha estadu hodi aprende liu tan lisaun polítika foun tinan tolu ikus ne’e, lisaun barak, ida ne’e mak sai nu’udár avaliasaun ba partidu hodi deside nia identidade polítika, karrakter polítika, vizaun polítika, atu bele la’o ba oin’’. Reforsa espoza husi líder supremu KHUNTO.

Nu’udár partidu, KHUNTO respeita istória passadu tambá ho ida ne’e, ita hamri’ik hanesan nasaun demokrátika ida.

‘’Partidu KHUNTO sempre respeita passadu, nu’udár prossesu istória iha dezenvolvimentu demokrasia Timor Leste, tambá ho esperénsia passadu ita hamri’ik hanesan nasaun ida’’. Berta afirma.

Nune’e moos, prezidente partidu ne’e alerta ba kuadrus nasionál to’o baze atu konsolida nafatin polítika partidu nian, atu garante implementasaun polítika partidu nian.

‘’Ba kuadrus husi nasionál to’o baze, atu konsolida forsa polítika partidu nian iha baze, atu hametin unidade nasionál, ho nune’e ita bele garante  implementasaun polítika partidu nian ho diak’’. Fontes konfirma.

Berta esklarese liu tan, ba ema hotu atu utilija sede nasionál hodi prodúz desijaun no manual polítika partidu nian ba futuru.

 ‘’Sede Nasionál ida ne’e ha’u husu ba membru hotu atu utilija sede ne’e atu prodúz desijaun, manual polítika partidu no estratejia partidu KHUNTO nian ba futuru’’. Espressa nia.

Iha eventu ne’e, publikamente Berta Dos Santos offisialmente hatan ba pedidu husi kuadrus maior partidu KHUNTO nia desijaun atu kandidata nia ba Prezidente Repúblika períodu 2022-2027 ne’ebé sei hala’o iha tinan oin.

Tuir observasaun iha terrenu, festa tinan 10 ezisténsia partidu no inagurasaun Sede Nasionál Partidu, marka prezensa moos husi Primeiru Ministru Taur Matan Ruak ho nia espoza, prezidente PN, Prezidente CNE, no militante partidu no konvidadus sira.

Jornalista : Arménio.

relavante