banner 728x90

‘’Informasaun Provokativu’’, Euclides Belo : Imi Utilija ID. Falsu Tamba La Fiar-An.

Euclides Belo entrevista ho G-RTV NEWS // Foto : Paixão // 29.03.2021 //
banner 120x600

G-RTV NEWS ( 30/03/2021) : Semana ida ikus ne’e, tensaun polítika no situasaun COVID-19 iha rai-laran, sai tópiku ‘’ folin’’ liu iha merkadu komunikasaun sidadaun Timor-oan nian, halo utilijadór média Sosiál lansa informasaun provokativu oi-oin liu husi sira nia média sosiál hodi provoka situasaun ne’ebé iha indísius atu hamosu krime liu-liu iha kapitál Dili no hamihis konfiansa públiku nian ba prevensaun ka ezisténsia COVID-19 iha Timor Leste.

Nune’e Segundu komadante PNTL Munisípiu Dili, Superintendente Polísia Euclides Belo deklara katak ‘’PNTL Munisípiu Dili nia apelu klaru ona, katak hahu kedas pandemia COVID-19, ami apela ona atu ema hotu kontribui hodi garante kapitál Dili seguru ba ema hotu’’ haktenik Nia iha Komandu PNTL Munisípiu Dili   ( 29/03/2021).

banner 325x300

Fontes ne’e esklarese liu tan katak, husu sidadaun hotu atu apoiu programa estadu nian liu-liu  estadu emerjénsia ne’e, fokus ba regra Serka Sanitáriu no konfinamentu obrigatóriu atu bele iha uma deít no sai ho nessesidade urjente.

Iha fatin hanesan Euclides reforsa katak ‘’ situasaun atuál agora PNTL la fo fatin atu kualkér ema ka sidadaun halo krime ou provoka malu, kuandu ami identifika sei foti medida rigurrozu’’.

Konabá sidadaun sira ne’ebé utilija média sosiál hodi provoka atu hamosu krime, ema númeru rua iha komandu Munisípiu Dili, afirma :

‘’ Husu ba maluk sira liu-liu foinsa’e sira atu utilija matenek ba assuntu pozetivu iha média sosiál, maibé ba assuntu negativu, kuandu ami identifika sei submete ba prossesu investigasaun, kuandu atu deteta ID. Falsu, ami  mós iha ona seksaun espesiál husi seksaun ivestigasaun kriminál atu halo prossesu identifikasaun hodi  deteta’’.

Atu hakotu, Segundu Komadante ne’e fo lia menon ba  utilijadór ID. Falsu iha media sosiál katak imi utilija ID. Falsu, tamba  imi la fiar imi nia –an :

‘’Se imi utilija ID. Falsu, tamba  imi la fiar imi nia –an no husu atu labele halo ajitasaun propaganda, PNTL la tolera ida ne’e’’. Fontes haktuir.

 Jornalista : Julio Paixão.

Editór : Arménio.

Keta haluha, prevene moras COVID-19 liu husi iha uma de’it,  Fase liman bebeik , uja máskara, distansiamentu sosiál no halo tuir regra sira hotu ne’ebé bele hado’ok ita husi moras hada’et COVID-19.

 

 

banner 325x300

relavante