banner 728x90

Istória moruk iha Laga-Baucau hosi Referendu 1999

“Madrugada tuku 4 nune’e ha’u komesa prepara ropa no dokumentu hanesan diploma no hahan atu halai ses ona"

Imajen: António Freitas
banner 120x600

G-NEWS (DILI) – Situasaun seguransa iha loron konsulta populár (30 agostu 1999) to’o anúnsia rezultadu referendu (04 setembru 1999) defisil tebes. Milísia sira pró-integrasaun, ne’ebé hetan apoiu hosi forsa Indonézia kontinua ameasa no intimida populasaun sira ne’ebé pró-Independênsia, liu-liu timoroan sira ne’ebé servisu hamutuk ho UNAMET.

António Freitas, tradutór UNAMET iha postu Laga tinan 1999, ba G-NEWS, Segunda-Feira (04092023) katak, nia parte komesa hala’o preparasaun no mobilizasaun ba populasaun no joven sira inklui hala’o edukasaun politika votasaun nian ne’ebé organiza hosi UNAMET, ne’ebé lidera direitamente hosi ofisiais UNAMET ne’ebé koloka iha postu Laga.

banner 325x300

Rezultadu referendu anúnsia iha dia 4/9/199 direitamente iha Kuartél-Jerál Nasaun Unidas iha Nova Yorke fó sai katak maria parte rejeita otonómia signifika katak Timor-Leste ukun rasik án. Akontese moruk no situasaun defisil ne’ebé enfrenta nu’udar hanesan tradutór mak depois antes votasaun no depois votasaun Koramil Posto Laga no militerisasi Timoroan komesa lansa teror no intimidasaun ba ha’u nu’udar tradutór tanba dala barak javanes forsa militár ABRI husu bebeik dadus rejistradu ba preparasaun eleisaun mais hau la fó tanba dokumentu sira sizilu ou muito segredu ou mesmu tempu regulamentu UNAMET la autoriza hodi sai dokumentu sira segredu. Hodi razaun sira ida ne’e Komandante Koramil altura ne’ebá bapa Dengor, loron kalan sempre halo supervizaun liuhosi sira nia intel Timoroan hodi hafuhu hau tantu iha servisu fatin no iha uma”, António konta tuir.

Nia konta katak, loron 2 ka 3 fulan Setembru iha enkontru importante ida iha Baucau entre autoridade sivil no militár Indonézia hodi planeia oinsa mak bele estraga timoroan sira ne’ebé servisu ho UNAMET. Administrador Postu Laga Celestino informa ba António nia aman atu informa ba nia (António Freitas) atu retira ka halai sai ona tanba nia naran mós tama ona iha lista sira ne’ebé bapa sira atu oho hahú hosi loron 4 ba leten. Lista ne’e konfirma mós ho informasaun hosi Ramerio Gama tanba nu’udar autoridade Militá, maibé Ramerio Gama halai tiha ba ailaran ho kilat.

Iha fali loron 3 kalan, forsa Indonézia aprosima fila-fali iha tuku 10 kalan, Koramil DENGOR ho militár sira seluk ba ona uma hodi husu tuir kona-ba António Freitas nia ezisténsia maibé nia aman informa ba sira katak, António hamutuk ho malae UNAMET tun ona ba Dili. Depois liu tiha óras ida nune’e, Militár no intelijen sira mai tán dala ida, maibé resposta hosi nia aman hanesan. Hafoin ne’e, António nia aman hateten ba nia tenke sai tanba milísia no forsa Indonézia hanoin at ona atu oho nia.

Madrugada tuku 4 nune’e hau komesa prepara ropa no dokumentu hanesan diploma no hahan atu halai ses ona. Depois hau bolu tan mestre Thomas Osolari katak diak liu ita sai ona mestre tanba bapa no militár Timoroan komesa iha ona lista no hanoin at atu estraga joven sira. Entau ami rua halai sai ba subar iha familia sira iha Warinana durante loron 3”.

“Iha loron 7 karik hau ladun lembra ona dadersan deit tuku 6:30 militár Indonézia no operasaun konjunta ho ekipa Sera/Saka asaltu ami nia subar fatin hamutuk ho inan aman no maun Alin sira iha Knua Warinana. Tanba ami subar hamutuk ho tiu Cipriano Bobudada nu’udar mós lideransa politika CNRT no mós kolega barak hanesan mestre Thomas, Tiu Alexandre no Tia Judith, Alacai matebean no mós sira seluk tán”.

Iha dadersan forsa Indonézia konsege asaltu sira ho kilat no tiru maibé la iha ema ida ne’ebé mate iha fatin akontesimentu. Sira konsege foti Marito nia motor Besitua ne’ebé subar iha Tali laran. Sira hotu evakua no halai liu ba subar fatin iha Aldeia Boleha-Soba. Maibé loraik iha loron 7 tuku 3 nune’e, sidadaun ida Armindo halai hamutuk ho sira fila fali mai vila laran, no ba liu tasi ibun tanba tropa Indonézia no refuziadus sira hotu-hotu sae ró militár iha dermaga Laga Ata-tada. Iha óras ne’e duni Militár Timoroan mak tiru no mate fatin kedas. Iha loron 8 ba leten situasaun iha vila komesa manas liu ona, tanba militerisasi no bapa sira komesa tiru tun sae de’it no ema komesa movimentu makas hodi kesi bandeira merah putih. Bapa sira komesa ameasa pró-Independênsia sira katak obriga populasaun hodi ba Kupaun Atambua. Forsa Indonézia hosi Viqueque konsentra iha postu Laga inklui refuziadu sira hosi Viqueque, Baucau no Lospalos balun.

Bapa sira komesa teror makas ba hau nia familia sira no konsege hau nia rian naran Matias konsege ba Atambua tanba ameasa atu oho. Camat Laga mós komesa evakua ba iha Saelari no maória joven sira kuaze evakua hotu ba subar fatin. Hau la lembra data mais iha entre loron 9 ba leten situasaun mais muito ameasado tanba komesa militár BTT iha Baguia atu tun mai postu Laga no altura ne’ebá sub Xefi Estadu Mar Lere Anan Timur Subar iha Nauteto Suku Atelari nu’udar sai ameasadu ba militár BTT mais tanba hetan intermediasaun hosi Amu L ulik Matebian Padre João de Deus Pires SDB”.

Entaun la konsege bok no situasaun seguru até militár BTT liu. Depois loron 10 nune’e forsa 744/745 no ekipa Team Alfa sira hosi Laútem mai estraga ka tiru mate hotu señor Raja Laga António Castro nia karau iha Laga no komesa tiru arbiru de’it populasaun iha vila laran.

Alfa sira hosi Lospalos tun mai Dili ho transporte terestre ne’ebé oho Madre no Diakonu sira iha Werukoco Laútem. Agradese ba povu doben Timor-Leste no hakmatek iha Reinu Lalehan ba Martir Aswain Falintil no Juventude sira hotu ne’ebé sakrifika no dedika ba ukun rasik án. Maske ita la hamutuk maibé imi nia espíritu kontinua mahein ba RDTL lulik ida ne’e”, António hakotu.

Jornalista       : Ekipa G-News

Editór Testu : Amito Qonusere Araújo

banner 325x300

relavante