banner 728x90

Jornalista LH halo re-estruturasaun imediata; forum mantein lideransa atúal

banner 120x600

G-NEWS (DILI) – Jornalista Timoroan sira hosi AJTL, TLPU, ofisial Mídia hosi Instituisaun Estadu sira, Orgaun Komunikasau Sosial, inklui Órgaun Estadu balun, ne’ebé hamahan an iha grupu Largo Haksesuk (LH), Sábado (18022023) organiza malu hodi halo re-estruturasaun ba estrutura Largo Haksesuk hosi mandatu 2023 to’o 2025, ne’ebé hala’o iha Cristo Rei, Dili.

Mandatu da-huluk Grupu Jornalista Largo Haksesuk hahú hosi tinan 2020 to’o 2023, ho Koordenádor Evaristo Soares ho nia Vise Koordenador Jacinto Xavier.

banner 325x300

Iha diskusaun kona-ba re-estruturasaun, iha pro-no kontra, no hamanas sorumutuk ne’e. Jornalista balun hakarak mantein estrutura atual no balun hakarak atu halo duni re-estruturasaun, no diskute trasa planu programa prioridades sira ne’ebé atu kontinua lao ba oin.

Membru balun ne’ebé hakarak atu mantein nafatin estrutura atúal, tanba sira nia lideransa iha grupu Jurnalismu Largo Haksesuk hatudu sentidu famíliar, iha responsábilidade halibur Jornalista sira hotu liuhosi komunikasaun diak, sempre husu kondisaun membru sira hotu ninia servisu diária iha Mídia Nasionál no Privadu sira, no seluk tan ne’ebé sempre fo satisfasaun no Haksolok ba membru tomak.

Koordenáor Largo Haksesuk Evaristo Soares hateten, ezisténsia grupu Largo Haksesuk la iha legalidade, maibé grupu ne’e iha vontade atu halibur Jornalista sira hodi bele fahe esperiensia ba malu kona-ba atividade Jurnalismu nian.

Vise Koordenádor Grupu LH Jacinto Xavier husu atu halo re-estruturasaun, nune’e fó oportunidade ba malu atu lídera grupu ki’ik. Jacinto sei rejigna an hosi kargu grupu nian, kuandu la akontese re-estruturasaun, tanba tuir nia, tenpu to’o ona atu Jornalista hotu-hotu ne’ebe envolve iha grupu atu aprende sai lideransa hodi prepaea an mos ba futuru.

Forun deside hasai desizaun koletiva, atu fo tempu ba Jornalista sira atu deside liuhosi eleisaun. Iha eleisaun ne’e, la ho sekretu, maibé nakloke hanesan foti liman. Objetivu foti liman ne’e atu hatudu katak, demokrásia mak dalan diak. Hafoin desizaun ne’e, forum hala’o eleisaun liuhosi foti liman, no maiória deside mantein ho estrutura atúal; hanesan Koordenádor Grupu Largo Haksesuk mak Evaristo Soares, Vise Koordenádor mak Jacinto Xavier

Largo Haksesuk nia ezisténsia mak fahe esperiensia ba malu, apoiu malu iha servisu Jornalismu, hametin relasaun Jornalismu ho famíliar, no aspetu importante seluk ne’ebé presiza atu kontinua lao ba oin.

Objetivu, Susesu, planu Grupu Largo Haksesuk

Grupu Largo Haksesuk sei kontinua trasa planu hodi maske grupu Largo Haksesuk mosu ho situasionál ho voluntáriu, implementa formasaun Jornalismu ba Jornalista sira ne’ebé hakarak atu hetan esperiensia foun husi antigu jornalista sira, atividade desportu no hala’o asaun sosiál iha sosiedade nia leet.

Hafoin eleitu, membru Grupu Largo Haksesuk husu estrutura no membru tomak atu trasa planu no atividade grupu nian, nune’e Jornalista sira lalika baruk no lakon vontade hodi hamate espíritu grupu nian ho voluntáriu.

Jornalista: Ekipa G-News

Editór Textu: Amito Qonusere Araújo

relavante