banner 728x250

José Lobato husu Luolo Atu Husik Nia Títulu Prezidente Partidu Fretilin, Apela Labele Insulta Líder Sira

Pintura Eroi Nasionál Nicolao Lobato ne’ebé entrega direta husi José Lobato ba kandidatu Prezidente Franscisco Guterres Luolo iha serimónia deklarasaun ba re-kandidata nian iha Ermera // Foto : Ekipa G-RTV.com .
banner 120x600

G-RTV.com (ERMERA) : Serimónia deklarasaun offisiál kandidatu Prezidente Repúblika (PR) Franscisco Guterres Luolo, partisipa moos husi José Lobato nu’udár oan-mane husi primeiru Prezidente Timor Leste, Erói Nasionál Nicolao Dos Reis Lobato.

Bainhira iha oportunidade diskursu hafoin remata entrega pintura Nicolao Lobato nian bá atuál PR Franscisco Guterres Luolo, nu’udár oan-mane, José Lobato husu atu Francisco Guterres Luolo husik títulu hanesan prezidente partidu FRENTE REVOLUSIONÁRIO TIMOR LESTE INDEPENDENTE (Fretilin)  bainhira re-eleitu.

banner 325x300

’Ha’u husu bá nai prezidente, bainhira Re-eleitu, se bele husik títulu nu’udár Prezidente Partidu FRETILIN, se lae, ema balun sei dehan Prezidente halis ba parte ida ’’ . haktuir José Lobato, iha serimónia deklarasaun offisiál ne’ebé hala’o iha loron 16/01/2022, munisípiu Ermera.

Hanesan prezidente Organizasaun Jerasaun Patriota ne’ebé halibur funu-na’in nia-oan sira, José Lobato hato’o moos apelu ida ba jerasaun patriota no juventude sira atu labele insulta líder sira.

’Bá ha’u nia alin sira, ne’ebé sei akompaña kampaña Prezidesiál husi kandidatu Luolo nia atu akompaña ho fuan tomak, husu atu respeita malu, muito menus ha’u lakohi rona insulta líder sira’’ . espressa José Lobato.

José Lobato moos apresia lideransa Prezidente RDTL, Franscisco Guterres Luolo nian, ne’ebé ho kalma hodi jere situasaun krize polítika durante periodu 2017-2022 hodi la hamosu krize hanesan iha 2006.

 

Jornalista : Arménio.

Editór : ekipa G-RTV.com

banner 325x300

relavante