banner 728x90

José Ramos-Horta Offisiálmente Sai Xefe Estadu, Obrigadu Lú Olo

Iha minutu ikus mandatu Lú Olo, PR Foun kondekora meduala órdem kolár Timor Leste // Foto : G-RTV.com
banner 120x600

Jornalísta : Arménio & Amar Belo //

G-RTV.com (Dili) : Serimónia investedura ba prezidente repúblika (PR), hodi offisializa xefe estadu foun bá períodu 2022-2027, José Ramos-Horta hodi troka Francisco Guterres Lú Olo ne’ebé hala’o iha tasi-tolu, partisipa máximu husi alta entidade nasaun nian no konvidadu ónra husi estanzéiru inklui populasaun iha Timor Leste.

banner 325x300

Iha diskursu, Horta ne’ebé nu’udár PR foun, kompromete sei sai PR bá Timor-oan la ho dúvida no la reprezenta de’it sira ne’ebé fó votu.

‘’ Ha’u kompromete ba ha’u nia-án atu sai iha momentu sira hotu, PR bá Timor-oan hotu, la ho dúvida no la reprezenta de’it sira ne’ebé vota bá ha’u, kompremete mós sei defende , kumpri konstituisaun repúblika,’’ Dehan Horta iha nia primeira diskursu estadu, iha Tasi-Tolu, Kinta-Feira, 19/05/2022.

‘’Agradese bá rai belun sira hotu ne’ebé fó nia solidariedade jeneroza hahu iha tempu difísil sempre hamutuk ho povu to’o independénsia,’’ Kontinua PR foun ne’e.

Iha mandatu, prezidente repúblika períodu 2007-2012 ne’e, hakarak prioritiza hamutuk ho líder nasionál sira seluk konabá seitór edukasaun no saúde, agrikultura, seguransa alimentár, tranparénsia iha estadu, moderniza F-FDTL no PNTL.

Iha fatin hanesan, eís-prezidente Francisco Guterres Lú Olo hateten, ‘’ Deseja sussesu bá alta funsaun, reprezenta benefísiu husi maioria independénsia nasionál no regula funsionamentu estadu, no bem estár povu Timor Leste’’ Espressa Lú Olo hodi hato’o deseja sussesu bá Horta.

Nune’e mós, Luciano Rodriguês nu’udár sidadaun ne’ebé partisipa iha serimónia ne’e, afirma, ‘’ Obrigadu PR sessante, Francisco Guterres Lú Olo bá dedikasaun tomak durante tinan 5 (2017-2022), deseja sussesu bá PR foun,’’ Afirma Luciano.

Investedura ne’e hala’o hahu ho plenária parlamentu nasionál ne’ebé lidera direta husi prezidente parlamentu nasionál, Aniceto Guterres.

Tuir observasaun, Prezidente Horta to’o iha fatin posse nian, iha óras 22:00 ÓTL resin, hafoin prezidente sessante to’o iha óras 23:17 ÓTL.

Serimónia ne’e hahu ho konsertu muzikál, kontinua ho diskursu husi PR sessante períodu 2017-2022, Parlamentu nasionál hahu kedas plenária no bolu prezidente eleitu atu hato’o nia juramentu tuir konstituisaun haruka, hafoin ida ne’e hananu kedas ho Hinu Nasionál RDTL.

(REMATA).

banner 325x300

relavante