banner 728x90

Joven tuda malu iha Dili, Suku Laisorulai de Baixo-Baucau hatudu ezemplu di’ak

“Tamba dignidade Organizasaun Arte Marsiais la bo'ot liu dignidade komunidade nian”

banner 120x600
42 Views

G-NEWS (DILI) – Hafoin membru Organizasaun Arte Marsiais Persaudaraan Setia Hati Terate (PSHT) gradua nia membru sira iha territóriu nasioonál, iha ne’ebé depois remata graduasaun no fila ba ida-idak nia fatin, entre joven sira hahú provoka malu. Situasaun ne’e afeta iha tenpu kalan, halo sidadaun sira labele deskansa.

Tuir dadus ne’ebé G-News rekolla, kuaze fatin-fatin depois movimentu membru OAM PSHT fila hosi serimónia graduasaun, sempre iha provokasaun hosi joven seluk iha kapitál Dili. Iha videu balun mós fó sai iha rede sosial mídia hatudu kona-ba asaun kriminal ne’ebé akontese rejulta uma populasaun hetan estragus.

banner 325x300

Alende akontese iha kapitál Dili, akontese mós iha munisípiu sira, hanesan iha Baucau. Tanba ne’e maka Xefe Suku Laisorulai de Baixo Postu Quelicai Baucau Julio “Farkhus” Pinto informa ba G-News, Tersa-Feira (15082023) kalan hateten, autoridade lokal suku Laisorulai de Baixo kontinua hala’o vizilansia ba nia populasaun sira, liu-liu joven sira hodi prevene konflitus ne’ebé akontese.

“Iha Suku Laisorolai de Baixo relativamentu graduasaun ba arte marsiais hosi organizasaun PSHT iha nivel Munisipal no nasionál, dadaun ne’e situasaun seguransa lao normal tanba la iha impaktu hosi asaun ne’ebé akontese iha Baucau no Dili, tamba ami autoridade lokál no uutoridade seguransa liu-liu Orgaun Konsellu Suku, no OPS nafatin halo vizilansia hodi labele hamosu komflitu iha Suku no Bairo, mesmu problema ne’e iha seluk maibé labele da’et ba fatin ne’ebé ita la permite, ne’e tanba konflitu sira fó impaktu bo’ot ba komunidade inklui la fó estabilidade ba ita nian Suku”, Xefe Suku ne’e esplika.

“Tamba dignidade Organizasaun Arte Marsiais la bo’ot liu dignidade komunidade nian”, Nia aumenta tán.

Tuir Fontes husi munisípiu Baucau katak, akontese konfrontus iha área Buruma no Baucau Villa hodi rejulta uma komunidade rahun maibé seidauk iha identifikasaun ba populasaun sira ne’ebé vítima.

“Iha konfrontu iha maka hanesan parte iha Buruma, Baucau Villa rezulta uma balun rahun no membru balun husi Arte Marsiais balun kanek, maibé ha’u ladauk iha informasaun ne’ebé kredível katak, ida uma rahun no membru kanek hosi parte ne’ebé, maibe seguransa nafatin hala’o ninia kna’ar hanesan bainbain hodi hakalma situasaun iha Baucau”, Xefe Suku ne’e akresenta.

Autoridade komunitária ne’e iha esperansa katak, atu labele kria nafatin instablidade, nune’e Governu bele konsentra de’it ba prosesu dezemvolvimentu nasionál, liu-liu iha Munisípiu Baucau to’o iha nível suku sira. 

Nu’udar Autoridade lokál, hakarak rekomenda ba Arte Marsiais no Arte Ritual sira ne’ebé maka namkari iha Timor laran tomak inklui diaspora atu hotu-hotu hatudu espiritu Patriotismu no Nasionalismu hodi fó válor ba éroi sira ne’ebé maka mate hodi fo nasaun RDTL Ukun Rasik Án “Timor ba Timor oan hotu tanba nasaun Presiza hela Timor oan hotu, no Timor Hein Ita”.

Jornalista       : Ekipa G-News

Editór Testu : Amito Qonusere Araújo

relavante