banner 728x90

JRH vizita Estadu ba Koreia

banner 120x600
66 Views

G-NEWS (DILI) – Prezidente Repúblika Demokrátiku Timor-Leste, Jose Ramos Horta,  sei vizita Repúblika Koreia, hahu husi loron 30, fulan maiu to’o loron 3, fulan juñu, tinan 2023. Objetivu husi vizita ne`e atu partisipa iha forum Jeju, nune’e mos atu sai orador prinsipal ho tema ‘Paz no Prosperiedade.

Durante vizita kortejia ba Koreia Sul, Sua Exelénsia Prezidente Republika sei halao sorumutuk ho Ninia homológu Prezidente Korea Exelénsia Yoon Suk Yeol.

banner 325x300

Alem ida ne’e, Prezidente Republika mos sei hola parte iha jantar ofisial ne`ebé   oferese husi Governador Provínsia Jeju nian.

Iha vizita Estadu ne’e, Prezidente Republika, J. Ramos-Horta, mos sei vizita Kortel Jeral SK E&S no SK Forest, kompañia rua ne’ebé inviste iha Timor Leste.

Tuir agenda, Prezidente Republika mos sei halao enkontru ho Institusaun Públiku no Privadu hodi husu tulun hodi hari  eskola téknika vokasional ba joven timoroan sira.

Prezidente Repúblika mos sei akompaña husi delegasaun ida husi ANPM (Ajensia National Petroleu no Mineral) atu explora tan esperiénsia no oportunidade kona-ba investimentu iha projetu armajenamentu no kaptura karbonu iha instalasaun husi kampu petrolíferu iha Bayu Undang.

Vizita Kortejia ida ne`e mai ho objetivu atu hametin lasu amizade entre nasaun Timor Leste ho Korea Sul, nune’e mos atu identifika setor produtivu balun ne’ebé ligadu ho kooperasaun ekonómika iha futuru.

Hafoin remata vizita iha Korea Sul, iha dia 4 de Juñu, Prezidente Repúblika sei kontinua vizita ba nasaun Singapore hodi partisipa iha Simeira Asian nian kona-ba Seguransa ba dala 20.

Presidente Republika nudar úniku Xefe Estadu estranjeiru ne’ebé hato’o diskursu iha sesaun plenária da-nen ba Dialogu Sangri-La kona-ba Parseria ba Seguransa iha Asia Pasífiku.

Durante vizita iha Singapura, Prezidente Repúblika, sei hala’o enkontru ho Ministru Defeza Singapura nian, Dr. Ng Eng Hen, no sei partisipa mos iha Jantar Ofisial, oferesidu husi Prezidente Repúblika Singapura,  Exelénsai Señor Halimah Jacoob.

Hahu husi fulan maiu, tinan 2022, Exelénsia Prezidente Repúblika hala`o ona vizita Estadu ba Estadu Indonésia, Austrália, Portugal, Reinu Kamboja, Singapura, no mos Vizita servisu ba Brazil, Qatar no Azerbaijan.

Prezidente Repúblika ho delegasaun sei sai husi Timor-Leste iha loron 30, fulan maiu, ho distinu ba Korreia Sul, no sei sai husi Seul ba Sigapura iha loron 3, fulan juñu no sei to`o hikas fali iha Timor-Leste iha loron 5, fulan juñu, tinan 2023.

Jornalista       : Ekipa G-News

Editor Testu  : Amito Qonusere Araujo

relavante