banner 728x90

KAK tenke investiga funsionáriu “liman naruk” halakon passaporte rihun-150

banner 120x600

G-NEWS (DILI) – Relasiona ho kaderneta Passaporte RDTL ne’ebé menus, ne’ebé afeta sidadaun sira atu renova no trata passaporte foun, maibé kestaun ne’e sei rezolve iha fulan hirak tuir mai.

Alende ne’e, iha mós deskonfia kaderneta passaporte ne’eb| mak lakon, sai hanesan preokupasaun ba públiku.

banner 325x300

Hirak ne’e hotu, mak Kuarta-Feira (15032023) semana ne’e, Sidadaun ida ne’ebé atu renova nia passaporte, koalia ba G-News, iha Edifísiu DJSRN Mandarin hateten, sente triste ho kaderneta passaporte ne’ebé lakon.

Tanba ne’e, Nia husu ba Komisaun Anti Korupsaun (KAK) atu halo investigasaun klean, liu-liu ba Funsionáriu sira ne’ebé halo atendimentu públiku, ba trata foun no renova passaporte RDTL.

“Ita husu ba KAK atu investiga funsionáriu sira ne’ebé fo atendimentu públiku ba passaporte. Ita labele fiar katak passaporte ho númeru bo’ot mak lakon, seim justifikasaun, Ha’u hanoin ne’e labele”, haktuir Joven ida ne’ebé lakohi atu públika nia identidade, tanba tauk hetan impedimentu hosi funsionáriu DJSRN.

Iha fatin hanesan, sidadaun feto ida, ne’ebé ho obrigadu, atu renova nia passaporte, hodi kontinua nia estudu iha Indonézia informa mós katak, situasaun ne’ebé akontese, liu-liu kaderneta passaporte lakon, impede direitu sidadaun sira nian ne’ebé atu trata passaporte ka renova.

“Ne’e mustahil. Ne’e só akontese iha Timor. Iha Indonésia mak hanesan ne’e, ka fatin seluk, ne’e sériu. Dalaruma buat ne’e akontese tanba funsionáriu sira iha kotuk simu osan lalais, entaun sira oferese, seim konhesimentu hosi sira nia xefe sira. KAK tenke investiga funsionáriu sira ne’ebé liman naruk, gosta halakon Estadu nia sasan”, Nia informa.

“Ha’u husu ba Komisaun Anti Korupsaun atu investiga, se lae, aban-bainrua kazu hanesan ne’e bele kontinua akontese tán. Ho passaporte rihun atus ida lima nolu mak lakon, ne’e fó benefísiu ba grupu ka individu balun deit, iha ne’ebé estadu lakon, ikus mai sidadaun sira mak sai fali vítima”, sidadaun feto ne’e dehan tán.

Tuir nia, ida ne’e hatudu ezemplu la diak, no konsidera aktus ne’e hanesan mal-jestaun ne’ebé akontese iha Instituisaun Estadu sira.

Ho informasaun ne’ebé fó sai iha Mídia Hatutan, Kuarta-Feira (15032023) ne’e, Diretór Diresaun Jerál Servisu Rejistu Notariadu (DJSRN), João Fernando Martins Borges, prontu koopera ho Ministériu Justisa bá halo investigasaun no buka tuir kaderneta passaporte rihun 150 ne’ebé deskonfia lakon iha Notariadu.

Iha Tersa (14/03/2023), Ministru Justisa (MJ), Tiágo Amaral Sarmento, deklara katak, deskonfia kaderneta passaporte ne’ebé mak lakon de’it. Tanba ne’e, nia komunika ona ho parte relevante sira iha Diresaun Jerál Servisu Rejistu Notariadu atu kria ekipa ida hodi halo investigasaun.

Jornalista     : Ekipa G-News

Editór Testu : Amito Qonusere Araújo

 

banner 325x300

relavante