banner 728x90

Karta Pedidu Reforma Husi Lere, KM Aprova, Desijaun Ikus Iha Lú-Olo

Tenente Jenerál Lere Anan Timur no PM Taur Matan Ruak // Foto : esploridu
banner 120x600
45 Views

G-RTV.com (DILI) : Reuniun Konsellu Ministru (KM) extraordináriu ne’ebé hala’o iha Sexta loraik ne’e (21/01/2022), diskute ajenda espesiál konabá karta pedidu reforma husi Xefe Estadu Maior Jenerál, Tenente Jenerál Lere Anan Timur (LAT).

Iha reuniaun ne’e, KM aprova pedidu refere no sei hasa’e ba Prezidensia Repúblika hodi hetan aprovasaun.

banner 325x300

‘’Ohin KM aprova proposta husi Ministru Defeza, no aprova hodi ezonera atuál Tenente Jenerál LAT no sei haruka ba Prezidente Repúblika nu’udar komandu supremu iha semana oin atu deside’’. Deklara Ministru Prezidensiál Konsellu Ministru, Fidelis Leite Magalães iha palásiu Guvernu hafoin reuniaun KM.

Atu troka Tenente Jenerál LAT  nia kargu iha F-FDTL, Guvernu deside, Maijor Jenerál Falur Rate-Laek promove ba Tente Jeneral no Brigadeiru Jenerál Coliati sa’e ba Maijor Jenerál hodi sai Vise-Xefe Estadu  Maior Jenerál F-FDTL, maibe proposta hirak ne’e sei hetan desijaun ikus husi Prezidente Republika, Franscisco Guterres Lu-Olo.

Fidelis moos klarifika katak termu ezonerasaun ne’e, termu legal antes atu nomeia ema ida hodi halo subtituisaun,  iha lian indonézia nian dehan fo ‘’ kebebas’’tugas ba ema ida antes hetan substituisaun.

Antes ne’e, aprezentasaun karta pedidu reforma, LAT hatama ba guvernu liu husi minisitériu defeza iha loron 17/01/2022 no loron tuir mai Ministru defeza, Brigadeiru Jenerál (Ref.) Filomeno Paixão aprezenta kedas ba KM maibé adia fali diskusaun, no ohin bele realiza.

Tuir informasaun ne’ebé G-RTV.com assesu, pedidu reforma ida ne’e fo dalan bá LAT atu kandidata-án ba Prezidente Repúblika period 2022-2027, ne’ebé sei hala’o eleisaun iha `19/03/2022.

Jornalista : Arménio

Editór : Ekipa G-RTV.com

 

relavante