banner 728x90

Kazu Mate Tamba Covid-19 : Brazíl Númeru Ás Liu Iha Mundu, Indonézia Ás Liu Iha Ázia.

Foto Ilustradu husi Google // 01.04.2021
banner 120x600

G-RTV NEWS ( 01/04/2021)  : Tama iha Fulan Abríl 2021, kazu Covid-19, nafatin aumenta iha nasaun balun, maske programa vasinasaun hala’o ona.

Semana balun ikus ne’e, nasaun Brazíl no Índia sai nasaunn ida ne’ebé nia kazu aumenta maka’as iha semana balun ikus ne’e nia laran.

banner 325x300

Tuir relatóriu husi Worldometers, totál kazu mundiál Covid-19 iha Kinta-Feira, 01 Abríl 2021,  óras 10:15 dadér hamutuk ema na’in 129.453.852.

Númeru ida ne’e justifika katak pasiente Covid-19,  nafatin aumenta husi númeru antes no iha de’it Óras 24, aumenta kazu ema na’in 638.49.

Konabá Kazu ema lakon Vida ( Mate ), aumenta ba ema na’in 12.234, nune’e númeru akumulativu ba ema mate tamba Covid-19 totál hamutuk ema na’in 2.827.420 iha mundu.

Maibé pasiente na’in 104.400.367  mak rekoperadu, no kazu ativu hamutuk ema na’in 22.226.065 mak sei iha sala izolamentu.

Mundialmente kazu diária, nasaun lima (5) sai nasaun ne’ebé númeru Covid-19 sei aumenta mak  : Brazíl ( +89.200), Índia (+72.182), Amérika (+68.2756), Fransa ( +41.907) no Turkia ( +39.302).

Kazu mate loron-loron tamba Covid-19,  nasaun 5 (lima) sai númeru klasifikasaun ne’ebé ás liu iha mundu, mak hanesan : Brazíl ( +3.950), Amérika ( +1.113), Méksiko ( +807), Ólanda ( +653), no Itália ( +467).

Nasaun vizinhu Indonézia tama iha númeru klasifikasaun mundiál ba 21, konabá ema mate loron-loron ho númeru  liu ema na’in 104 mak mate no sai númeru klasifikasaun ás liu iha Ázia.

Klasifikasaun númeru ás liu konabá kazu ativu Covid-19, mai husi nasaun lima (5), mak hanesan : Amérika ( 6.927.628), Fransa ( 4.254.145), Brazíl ( 1.261.435), Beljia ( 797.061), no Índia ( 585.215).

Provizoriaménte, Kazu ativu husi nasaun Indonézia, hamutuk ema na’in 122.524, sai númeru klasifikasaun ás liu iha mundu ho pozisaun 21.

 

Fontes : Pikiran-Rakyat.com  (Publika iha 1 April 2021, 10:22 ÓTL (08:22 WIB))

Editór: Arménio.

‘’Keta Haluha nafatin iha Uma, Fase Liman Bebeik, Uja Máskara, Distansiamentu Sosiál no tuir nafatin protokolu Prevensaun sira hotu  Ba COVID-19, atu Ita hotu Livre husi COVID-19.’’

 

banner 325x300

relavante