banner 728x90

KI husu mídia sira atu hatudu imparsialidade ElPar

banner 120x600

G-NEWS (DILI) – Jornalista sira tenke kumpre kode étika iha Eleisaun Parlamentar tinan ne’e.
Kestaun ne’e hato’o hosi Reprezentante Prezidente Konsellu Imprensa, Konselleiru Exepedito Loro Dias Ximenes, ba Jornalista sira liuhosi Konferénsia Imprensa iha Salaun CI-Quintal Boot, Dili, Kuarta-Feira (19/04/2023).

Nia dehan, durante prosesu eleitoral ne’ebé hahú kedas hosi dekretu Prezidensial hodi determina loron eleisaun Parlamentar, tanba durante ne’e Konsellu Imprensa mos monitoriza produtu jornalistiku sira.

banner 325x300

“Konsellu Imprensa iha kedas eleisaun prezidensial hasai ona matadalan ida atu ita bele kaer hanesan giaun, nune’e bele halao kna’ar ho imparsial, ne’ebé hakerek ona iha kode étika jornalismu nian”,dehan nia.

Tuir nia, bainhira jornalista sira viola infrasaun sira iha tempu kampanha eleitoral, sei notifika mídia, no dada hikas karteira profesional.

“kuandu jornalista sira ne’ebé mak viola kóde étika jornalista, primeiru fo notifikasaun para atu nia bele hadia, se notifikasaun mak nia nafatin kontinua viola nia karteira professional, Konsellu Imprensa sei foti fila fali, no la fo tan”, katak nia.

Alende nia mos hateten, Konsellu Imprensa iha eleisaun sira liu ba, sempre halo advokasia makaas kona-ba direitu jornalista sira nian oinsa bele vota hanesa sidadaun iha fatin ne’ebé halo kobertura.

“ida ne’e Konsellu Imprensa sente katak presiza nafatin Konsellu Imprensa nia intervensaun katak, KI sei haruka karta ofisial ida ne’e ba órgaun Eleitorál CNE ho STAE, atu tau atensaun makas liu ba iha servisu ne’ebé jornalista sira halo liu-liu iha prosesu eleitoral”, dehan nia.

Iha fatin hanesan, Konselleiru Francisco Simões mos hatutan, Konsellu Imprensa nafatin fo hanoin ba jornalista sira atu kontinua tane kóde étika jornalista nian bainhira halo kobertura iha eleisaun Parlamentar.

“hodi nune’e ita la halis ba partidu ou lider partidu balu, imparsial ne’e importante”, dehan nia.

Konselleiru ne’e mós preokupa ho mídia sira ne’ebé mak rejistu ona iha Konsellu Imprensa depois halo live streaming iha atividade Partidu Politiku sira.

“kona-ba live streaming esperensia ne’ebé ita hare, liu-liu esperiensia iha konsolidasaun Partidu Politiku nian, live streaming ne’ebé akontese ne’e ita divulga informasaun ne’ebé mak fontes sira ko’alia barak mak viola tiha kóde étika jornalista, no mídia sira ne’ebé mak halo live streaming ne’e maiória rejistu ona iha KI”, dehan nia.

Jornalista     : Ekipa G-Newz
Editór Testu : Amito Qonusere Araújo

banner 325x300

relavante