banner 728x90

Kliente hirus TT no Telkomcel halo korupsaun makaas

banner 120x600
34 Views

G-NEWS (DILI) – Durante semana ikus-ikus ne’e, públiku kestiona makaas rede komunikasaun hosi parte rua, inklui rede internet ne’ebé lentidaun.

Iha plataforma dijital, utilizador sira preokupa atendimentu hosi kompanha telekomunikasaun Timor Telecom no Telkomcel.

banner 325x300

Martinha Lopes, rezidente ida iha Mascsrenhas, informaba G-News, Sexta-Feira (31032023) katak, sente triste ho rede internet no komunikasaun hosi Timor Telecom, tanba halo ativu ona pakote internet unlimited, maibé kualidade internet lentidaun.

“Ami sempre ativa internet ho pakote unlimited, maibé rede internet la diak, entaun pakote unlimited óras 24 ne’e, dalaruma ami uza oras 4 ka 5, maibé orás sira seluk ne’e loading kleur”, Martinha haktuir.

Durante ne’e nia sempre ativa pakote internet hosi Timor Telecom, hodi utiliza plataforma dijital no akompanha informasaun iha media konvensionál sira, maibé rede internet hosi Timor Telecom afeta tebes nia atu komunika ho família, kolega, no difisil tebes asesu informasaun.

Tanba ne’e, Nia husu ba kompanha Telekomunikasaun Timor Telecom, atu hadia sistema telekomunikasaun nian, tanba tuir Martinha katak, durante ne’e Timor Telecom halo koruptu makaas ba kliente sira nia osan.

Alende ne’e, G-News mós dadalia ho kliente Telkomcel, maibé ninia preokupasaun hanesan. António Leto, negosiante ambulante, iha Audian informa, nia uza simcard Telkomcel, hodi komunika ho família, no asesu linha internet, maibé rede hosi Telkomcel lentu.

“Durante ne’e Ha’u uza simcard Telkomcel, maibé rede ne’e susar loos. Ita ativu pakote internet, maibéita seidauk uza hotu, pakote hotu derepende, linha mós araska loos. Ita ense pulsa saugati loos, sira han matak ita nia osan”, Nia koalia ho triste.

Iha parte seluk, Estudante akadémiku hosi UNPAZ Filomena de Jesus Soares informa, situasaun rede kompanha hosi Timor Telecom no Telkomcel, hanessn meiu ida, manipula kliente sira ne’ebé utiliza simcard hosi rede telekomunimasaun refere.

“Ita husu ba Governu atu halo intervensaun ba kompanha telekomunikasaun hirak ne’e, tanba aktus ne’e laos foin akontese, maibé ne’e bebeik ona. Kuandula iha intervensaun, kompanha hirak ne’e sei duun hotu ba dehan Sistema mak la diak. Ha’u hanoin ne’e sira bosok ita, no han matak deit ita nia osan”, dehan Nia.

Jornalista      : Ekipa G-News
Editór Testu   : Amito Qonusere Araújo

relavante