banner 728x90

KM nomeia ona komjer PNTL ho nia Segundu foun

banner 120x600
61 Views

G-NEWS (DILI) – Kuarta-Feira (15032023) liuhosi Konsellu Ministru aprova ho unanimidade ba Komandante-Jerál Polísia foun ba mandatu tinan-tolu mai mak hanesan Superintendente Xefe Henrique da Costa, nu’udar Komandante-Jerál Polísia, hodi troka Komisáriu Faustino da Costa, no Superintendente Xefe Pedro Belo, troka Komisáriu Mateus Fernandes.

Hafoin reuniaun Konsellu Ministru, Ministru Prezidénsia Konsellu Ministru Fidelis Leite Magalhaens, ba Jornalista sira informa, Governu aprova ona projetu Rezolusaun Governu, ne’ebé aprezenta hosi Vise Ministru Interior António Armindo, kona-ba nomeiasaun Komandante-Jerál PNTL ho nia segundu Komandante-Jerál, ho periódu tinan tolu.

banner 325x300

Ho rezolusaun Governu ne’e, hapara mós kargu Komisáriu Faustino da Costa no Komisáriu Mateus Fernandes, hosi Komandante-Jerál no Segundu Komandante-Jerál PNTL.

Nomeiasaun ba Komandante-Jerál PNTL ho nia Segundu Komandante-Jerál, tuir ajenda hosi Minitériu Interior, tuir lei orgánika artigu 25 alina II, ho proposta hosi Ministru Interior nian.

Tomada de pose ba Komisáriu Polísia foun na’in rua, sei hala’o iha loron Nasionál Polísia nian, ne’ebé sei akontese iha loron 27 fulan Marsu tinan ne’e.

Ho informasaun ida ne’e, Xefe Gabinete Komunikasaun no Relasaun Públika Komandu-Jerál PNTL Superintendente Xefe Arnaldo de Araújo, informa ba G-News via Telefónika (Kuarta-Feira, 15032023) lorokraik hateten, to’o oras ne’e Komandu-Jeral Polísia seidauk simu nota informativa hosi Governu kona-ba ida ne’e.

“To’o oras ne’e ami seidauk simu dokumentu ruma”, Nia hakotu.

Jornalista     : Ekipa G-News

Editór Testu : Amito Qonusere Araújo

relavante