banner 728x90

Komemora Tinan FALINTIL ba dala 46, karik ida ne’e sai diskursu ikus husi Lere Anan Timur

Xefe estadu Maiór Jenerál F-FDTL, Tenente Jenerál Lere Anan Timur iha nia diskursu ba selebrasaun tinan 46 FALINTIL nian, iha kuartél Jenerál F-FDTL, Fatuhada iha loron 20/08/2021 // Foto : Armenio
banner 120x600
11 Views

G-RTV.com (Dili) : Forsa Armada Libertasaun Nasionál Timor Leste-Forsa Defeza Timor Leste (F-FDTL) selebra tinan moris ba dala-46. lutu nasaun ne’e, hala’o serimónia simples la ho prezensa husi atuál Xefe Estadu nu’udár moos komadante supremu F-FDTL, Franscisco Guterres Lu-olo.

Iha selebrasaun ne’e, Prezidente Parlamentu Nasionál nu’udár ema daruak iha estadu Timor Leste ne’ebé prezide selebrasaun, Dr. Anicento Longuinhos Guterres Lopes hateten, ho dedikasaun husi FALINTIL sira bá povu no patria lori Timor leste bá ukun-rasik-an.

banner 325x300

‘’Ho imi nia dedikasaun tomak (FALINTIL), bá povu no pátria, iha idak-idak nia kna’ar, ki’ik ka bo’ot, hamutuk mak lori Timor Leste atinji ita nia mehi ba ukun-rasik-án’’. Hateten Aniceto iha selebrasaun loron FALINTIL iha Kuartel Jenerál F-FDTL, Fatuhada, Sexta ne’e.

Prezidente Parlamentu reforsa tan, FALINTIL harii husi orientasaun kometé sentrál FRETILIN hafoin deklarasaun insurreisaun armada iha aisirrimou, Aileu iha loron 15 fulan Agustu tinan 1975.

Passa revista ba parade militar husi Prezidente Parlamentu nNasionál Aniceto Guterres // Foto : Arménio.

Aniceto esklarese tan, FALINTIL mak defende integridade nasaun no kaer metin soberania nasionál maske forsa ki’ik liu maibé konsege rezíste.

Iha fatin hanesan,  Xefe estadu Maiór Jenerál F-FDTL, Tenente Jenerál, Lere Anan Timur iha nia diskursu afirma, hanoin hikas ema hotu husi komité sentrál no omanájem bá sira hotu.

‘’hanoin hikas ema hotu-hotu husi komité sentrál Fretilin ne’ebé kria FALINTIL iha 1975, omenájem ba sira hotu tambá sira mak hahu luta ba libertasaun nasionál’’. Afirma Lere Anan Timur, iha diskursu ofisiál komemorasaun loron FALINTIL iha tinan ida ne’e.

Lere moos husu ba jerasaun foun militar F-FDTL atu banati tuir gurilleiru  FALINTIL sira hodi kontribui ba dezenvolvimentu nasionál.

Iha komemorasaun ne’e, hala’o moos promosaun diviza ba membru militar F-FDTL na’in 19 inklui feto ida husi komponente Aero, Terrestre, Marina ne’ebé promovidu bá Alfares ka Sub- tenente.

Maibé ba tinan 2021 ida ne’e, karik sai moos diskursu ikus husi Lere Anan Timur hanesan Xefe Estadu Maior Jenerál F-FDTL ho postu Tenente Jenerál tambá tuir informasaun ne’ebé G-RTV.com assesu katak possibilidade Lere Anan Timur sei rezigna no atu kandidata-an bá Prezidente Repúblika períodu 2022-2027.

Antes ne’e, Lere halo deklarasaun bá públiku liu husi média iha atuál palásiu prezidensiál iha loron 7 fulan jullu liu bá ne’ebé G-RTV.com assesu, deklara, funu ne’ebé lori mate, nia sei brani, tambá sá atu sai prezidente repúblika labele.

Oras ne’e dadaun kandidatu ne’ebé deklara offisiál hodi hatan bá partidu nia ezizénsia atu kandidata-an hodi kompete bá kargu  prezidente repúblika períodu 2022-2027 mak atuál Prezidente Partidu KHUNTO, Armanda Berta.

Jornalista : Arménio.

Editor : Ekipa G-RTV.com

relavante