banner 728x90

Komunidade Suku Motael Maioria Simu Ona Vasina, Luis : ‘’La Iha Efeitu Negativu’’.

Xefe Suku Luis Antonio Vieigas IHa entrevista ho Ekipa G-RTV.Com
banner 120x600

G-RTV.Com (DILI): Programa Vasinasaun ne’ebé guvernu hala’o relasiona ho pandemia Covid-19, iha suku Motael Atinji ona 85% ba komunidade ne’ebé simu Vasina ba  doze dahuluk.

‘’Tuir orientasaun husi guvernu katak sidadaun hotu tenke simu, nune’e iha hau nia suku atinji ona 85% komunidade ne’ebé simu ba doze dahuluk’’. hateten Luis António Vieigas iha kna’ar fatin sede suku motael, tersa ne’e.

banner 325x300

Nia hatutan tan, populasaun iha Suku Motael maioria simu vasina AZ no pursentu ki’ik liu mai husi vasina Sinovac.

‘’Konabá vasina variedade rua, vasina Sinovac simu husi estudante sira ho pursentu 15 de’it, maibé  75% simu astrazaneca’’. Hateten Autoriedade lokál ne’e.

Fulan oin, husi maioria populasaun ne’ebé simu doze ba dahuluk sei hahu faze da-ruak atu kompleta vasina.

‘’Atu kompleta ba faze daruak, sei hahu iha loron 23 fulan Jullu ba leten iha tinan ne’e, no durante prosessu vasinasaun, suku motael, seidauk iha keixa ka informasaun ruma konabá efeitu negativu grave husi vasinasaun ne’e’’. klarifika António.

Suku Motael iha territóriu munisípiu Dili, kompostu husi aldeia Lima (5), ho nia populasaun hamutuk  liu rihun ne’en resin.

Tuir tarjetu husi guvernu da-VIII katak, iha tinan rohan 2021 populasaun 85% iha aterritóriu nasionál simu ona vasina atu kombate moras Covid-19 ne’ebé invade mundu hodi hamate ona ema liu milliaun ida resin iha mundu.

Jornalista : Arménio.

 

banner 325x300

relavante