banner 728x90

Konsellu Imprensa fó votus pezar ba Sixto dos Santos nia mate

banner 120x600

G-NEWS (DILI) – Konsellu Imprensa Timor Leste (CITL), fó votus pezar ba ativista Direitus Úmanus, atúal Diretór Ezekutivu Asosiasaun HAK Sixto dos Santos, ne’ebé termina ona nia jornada moris, iha Sexta-Feira (17032023) madrugada, iha Óspital Nasionál Guido Valadares, Dili.

Liuhosi plenária Órdinária, Prezidente Konsellu Imprensa Otelio Ote hateten, Konsellu Imprensa sente lakon ativista poténsial no advokasia ba Direitus Úmanus.

banner 325x300

“Konsellu Imprensa sente lakon ema ida diak tebes-tebes, durante ne’e hamutuk ho KI halo advokadlsia makas ba Direitus Umanus, Liberdade espresaun no Liberdade Imprensa”, hateten Otelio Ote.

Tuir Otelio Ote, matebian Sixto hanesan ativista ne’ebé berani tebes, durante ne’e sai amigu diak ba Konsellu Imprensa nia ezisténsia, hodi promove liberdade espresaun no liberdade imprensa.

Matebian Sixto dos Santos, hakotu is tanba enfrenta moras komplikadu, hodi husik nia fen kaben, no oan nain tolu.

Iha parte seluk, Asosiasaun Jornalista sira mós atribu votus pezar ba Matebian Sixto dos Santos, tanba konsidera hanesan ativista timoroan ida ne’ebé luta kontra injustisa sosiál.

Jornalista : Ekipa G-News
Editór Testu : Amito Qonusere Araújo

banner 325x300

relavante