banner 728x90

Konsidera diskrimina iha vota livre “Jornalista hakilar”

banner 120x600
10 Views

G-NEWS (DILI) – Hafoin Diretór STAE Acilino Manuel Branco, ofisialmente deklara ba públiku kona-ba lei eleitóral ne’ebé autoriza deit Jornalista sira hosi mídia Estatal bele vota livre, enkuantu jornalista sira hosi mídia privadu sei vota tuir resensiamentu kartaun eleitóral.

Tanba ne’e, Jornalista sira hato’o kedan sira nia lamentasaun, no konsidera Estadu halo diskriminasaun. Ekipa G-News rekolla kedan informasaun, hosi Jornalista sira iha mídia privadu sira, atu ko’alia kona-ba ne’e. Tuirmai ita sani hamutuk.

banner 325x300

1. Maria Tavares, Jornalista mídia STL
Hanesan Jornalista ne’ebé mak hala’o kna’ar iha mídia privadu ne’e konsidera Estadu halo diskriminasaun hasoru jornalista mídia privadu sira, tanba hili deit mídia Governu hodi vota livre maibé mídia privadu Lae.

Ita hatene katak mídia privadu mós kontribui hotu Informasaun ne’ebé mak hanesan ho mídia Estatal ba ita nia rai ida ne’e, tanba sá mak iha to’o eleisaun autoriza deit Jornalista mídia Governu vota livre maibé mídia privadu ne’e lae tanba ne’e konsidera ida ne’e diskriminasaun.

Tanba ne’e mak husu ba órgaun Eleitorál hanesan CNE ho STAE atu autoriza mos jornalista mídia privadu vota livre, tanba kna’ar ida jornalista ne’e hanesan deit.

2. Mariano Mendonça Benevides, Jornalista Diáriu INDEPENDENTE

Ha’u hanoin Governu liu-liu CNE ho STAE halo halo lei hodi autoriza de’it RTTL ho Tatoli mak bele vota livre no la autoriza jornalista husi mídia privadu sira atu vota livre sira tenke tetu didi’ak, tanba mídia estadu no privadu halo serbisu ne’e hanesan de’it,
Tanba ne’e mak husu Governu liu-liu CNE ho STAE atu separa bu’at hirak nune’e jornalista nasionál lokál bele asesu informasaun hodi transmite ba ema hotu, iha loron Eleisaun ne’e importante ema hotu hakarak atu asesu.

Ida seluk ha’u hakarak hatete de’it estadu no Governu halo diskriminasaun boot ba jornalista sira iha haree iha mundu jornalista mak papel importante públiku maibé ita nia Timor oinseluk fali estadu halo diskriminasaun fali.

Iha ne’e atu husu asosiasaun sira no konsellu imprensa mós tenke foti kestaun ida ne’e hodi fo hanoin ba orgaun eleitoral sira atu tetu didi’ak situasaun sira hanesan.

Ha’u hanoin órgaun eleitorál sira tenke buka alternativu nune’e jornalista sira bele vota livre iha eleisaun ne’e, atu sira bele asesu mós informasaun sira hodi fornese notisia kona-ba rezultadu sira eleisaun nian ba ita nia populasaun iha territóriu tomak.

Buat ki’ikoan sira hanesan ne’e mak estadu Governu labele jere ho di’ak tan jere bu’at boot, tanba ne’e husu orgaun eleitoral tenke buka oinsá atu fasilita jornalista hotu vota livre iha eleisaun ne’e.

3. Imelda Fátima Franquelin, Jornalista no Operadora Câmara Televizaun Timor Post

Ha’u hanesan Jornalista durante tinan naruk ona, ba ha’u sente ne’e la konfortável ba Ha’u tanba primeiru Ha’u lakon Ha’u nia direitu ba votus ida.
Segundu Ha’u la konkorda ho lei ne’ebé la fó autoriza hodi ami jornalista vota livre, Governu la konsidera ami jornalista nia servisu seraque ami mídia privadu ? Mídia nia servisu hanesan deit , tantu RTTL ho Tatoli ! Maibelé lei bele autoriza deit mídia empreza? Karik nune’e entaun Governu liuhosi SECOMS labele autoriza hodi hari’i mídia privadu ga mídia online ne’ebelé agora hari’i barak ona iha Timor Leste.

Exatamente !Klaru ! Karik Estadu ne’e la valoriza ami jornalista sira ho neutrú Imparsial ! Ami konsidera diskriminsaun duni, mesmu ami hosi mídia privadu maibé ami nia servisu kontribui ba nasaun! Estadu labele haree ba mídia Governu nian deit maibé haree mós ba ami mídia privadu sira tanba mídia governu nian ho mídia privadu servisu hanesan deit, laiha diferente!
Ha’u jornalista, Ha’u sente estadu la justu ba ami.

Husu ba Orgaun eleitorál sira, liu-liu ba STAE presiza haree mós ami mídia privadu sira, tanba ami mós servisu hanesan ho mídia governu, tanba jornalista maka ponte ida ba povu, jornalista maka sai matan no tilun povu nian hodi fo informasaun lalais ! Husu STAE atu fasilita ami mídia privadu sira vota livre iha fatin ne’ebé ami kobertura ba, no labele taka ami atu lakon ami nia direitu hodi lakon votus ida! Tamba eleisaun laos tinan-tinan maibé tinan lima dala ida.

Tinan kotuk jornalista sira bele vota livre iha fatin ne’ebé deit halo kobertura ba ! Tamba sá agora labele?

Tamba deit hari’i Sentru paralelu nune’e Prezidente Repúblika la promulga hodi jornalista sira labrle vota livre ?

Tuir Ha’u nia hatene STAE halo htu ona buat sira ne’e no Parlamentu Aprova ona maibé tanba deit sentru paralelu nemak PR hodi la promulga tiha,
Ikus ami jornalista sira mós tenke ba vota iha ida-idak nia fatin.

Jornalista     : Ekipa G-News
Editór Testu : Amito Qonusere Araújo

relavante